Ұлттық банктің инфляция бойынша жаңа болжамы анағұрлым оптимистік болып шықты

Қазақстанда 2026 жылға арналған инфляция болжамы қайта қаралды. Ұлттық банк мәліметінше, ол бұрын күтілген 9,5–11,5 пайыздың орнына енді 9–11 пайыз болды, - деп хабарлайды Tengrinews.kz.

Қазақстанда 2026 жылға арналған инфляция болжамы қайта қаралды. Ұлттық банк мәліметінше, ол бұрын күтілген 9,5–11,5 пайыздың орнына енді 9–11 пайыз болды, - деп хабарлайды Tengrinews.kz.

Ұлттық банк мәліметінше, болжам инфляцияның іс жүзінде тезірек баяулауына, ҚҚС өсуінің тауарлар мен қызметтер құнына әсерінің шектеулі болуына, сондай-ақ теңге бағамының нығаюына байланысты қайта қаралған.

2026 жылға арналған инфляция болжамы 9–11 пайызға дейін төмендету жағына қарай қайта қаралды, делінген Ұлттық банк хабарламасында.

Ұлттық банк болжамның өзгеруі бағаның тұрақтануындағы қазіргі динамиканы көрсететінін атап өтті.

Ұлттық банк инфляцияның бір таңбалы деңгейге өтуін осы жылдың өзінде күтеді. Бұған қалыпты қатаң ақша-кредит шарттары, сондай-ақ макроэкономикалық тұрақтылықты қамтамасыз ету бойынша Үкіметпен бірлескен шаралар ықпал ететіні айтылды.

Болжамға сәйкес, алдағы жылдары инфляция төмендеуін жалғастырады. 2027 жылы ол 5,5–7,5 пайызға дейін баяулауы мүмкін, ал 2028 жылы 5 пайыздық нысаналы деңгей маңында тұрақтайды.

Ұлттық банк мәліметінше, сыртқы инфляциялық ахуалдың біртіндеп қалыпқа келуі, инфляциялық күтулердің төмендеуі, сондай-ақ фискалдық шоғырландыру баға өсімінің одан әрі баяулауына ықпал етеді.

Бұл ретте инфляция бойынша тәуекелдер теңгерімі әлі де проинфляциялық жаққа қарай бейім болып отыр, алайда бұл фактордың әсері бәсеңдей бастады.

Ұлттық банк бірінші жартыжылдықта ішкі сұраныстың тежеулі екенін, ал сыртқы конъюнктура теңгенің нығаюына септігін тигізгенін, бұл жинақталған баға қысымын ішінара өтегенін атап өтті.

Реттеуші негізгі ішкі тәуекелдерге тұтынушылық сұраныстың жеделдеуін, квазифискалдық ынталандыру аясында монетарлық агрегаттардың кеңеюін, сондай-ақ инфляциялық күтулердің құбылмалылығын және тұрғын үй-коммуналдық қызметтер тарифтері мен жанар-жағармай материалдары бағалары реформаларының іске асырылуын жатқызды.

Сыртқы тәуекелдер геосаяси шиеленіспен байланысты екені айтылды, бұл әлемдік нарықтардағы инфляциялық қысым мен құбылмалылықты күшейтуі мүмкін.

Еске салсақ, Қазақстанда кейінгі екі жылда алғаш рет базалық мөлшерлеме төмендетілді. Мөлшерлеме жылдық 18,0 пайыздан +/- 1 пайыздық тармақ дәлізімен 17 пайызға дейін төмендетілді.

Google News арқылы жаңалықтарымызды қадағалаңыз