2027 жылы инфляция қандай болады үкімет болжамы

Қазақстан үкіметі 2027 жылы инфляцияның ең жоғарғы шегі 9,5 пайызды құрайды деп болжап отыр. Бұл көрсеткіш елдің әлеуметтік-экономикалық дамуының жаңа жоспарында жоғарғы шек ретінде көрсетілген. Бұл туралы үкімет отырысында премьер-министрдің орынбасары – ұлттық экономика министрі Серік Жұманғарин мәлімдеді, деп хабарлайды Tengrinews.kz тілшісі.

Келесі жылы инфляция деңгейі қандай болмақ?

Жұманғарин құжатта инфляцияның болжамды дәлізі белгіленгенін айтты.

"Инфляцияның болжамды дәлізі 2027 жылы 7,5–9,5 пайыз деңгейінде айқындалды", – деді ол.

Қазіргі инфляция жағдайы қандай?

Тимур Сүлейменов отырыста сөйлеген сөзінде Қазақстанда инфляцияның төмендеп келе жатқанын атап өтті.

Оның айтуынша, өткен жылдың қыркүйегіндегі 12,9 пайыздық ең жоғары көрсеткіштен кейін ол 10,2 пайызға дейін төмендеді. Төмендеу процесі осымен он ай қатарынан жалғасып келеді.

Ол инфляцияның бәсеңдеуіне бірнеше негізгі себепті атады: қалыпты қатаң ақша-несие саясаты және теңге бағамының нығаюы.

Сонымен қатар Сүлейменов инфляцияның әлі де жоғары деңгейде қалып отырғанын баса айтты. Оны одан әрі төмендету үшін мынадай шаралар жоспарланған:

теңгелік активтердің тартымдылығын қолдау және шектен тыс сұранысты тежеу үшін қалыпты қатаң ақша-несие саясатын сақтау; ақша-несиелік реттеудің қосымша шараларын, соның ішінде алтын сатып алу операцияларын айнала бейнелеу (зеркалирование) әдісін қолдану; банктер үшін ең төменгі резервтік талаптарды кезең-кезеңімен арттыруды жалғастыру.

Сүлейменовтің айтуынша, осы шаралардың нәтижесінде жыл бойы экономикадан шамамен 4,1 триллион теңгені алып қою жоспарланған. Бұл артық ақша массасын азайтып, инфляцияны бәсеңдетуге көмектесуі тиіс.

"Бірлесіп қабылданған шаралардың нәтижесінде Ұлттық банк жағдайды бақылауды жалғастырады. Кредиттеудің жекелеген сегменттерінде тәуекелдер ұлғайған жағдайда макропруденциалдық реттеудің қосымша шаралары қарастырылатын болады", – деді Сүлейменов.

Тура бір жыл бұрынғы болжам қандай еді?

Бір жыл бұрын экономиканы дамытудың 2026–2028 жылдарға арналған болжамын таныстыру кезінде үкімет Қазақстандағы инфляция біртіндеп төмендейді деп күткен болатын.

Сол кезде Серік Жұманғарин 2026 жылы инфляция 10 пайыздан аспауы тиіс екенін айтқан. Ал 2027 және 2028 жылдары инфляция 6 пайыз деңгейінде болады деп болжанған еді.

"Инфляция болжамы 2026 жылы 10 пайыздан аспайды, 2027 және 2028 жылдары 6 пайыз деңгейінде болады", – деген болатын Жұманғарин 2025 жылғы 26 тамызда өткен үкімет отырысында.

Инфляция дегеніміз не?

Инфляция – бұл тауарлар мен қызметтер бағасының тұрақты өсуі. Инфляция салдарынан уақыт өте келе белгілі бір сомаға бұрынғыдан аз зат сатып алуға болады. Мысалы, егер бүгін азық-түлік себеті 10 000 теңге тұрса, ал бір жылдан кейін 11 000 теңге болса, демек баға 10 пайызға өскен. Бұл – инфляция.

Маңызды: Маңыздысы, инфляция – бұл бір ғана тауардың қымбаттауы емес, тауарлар мен қызметтердің кең жиынтығына бағаның жалпы өсуі.

Google News арқылы жаңалықтарымызды қадағалаңыз

Жазылу