ҰҚШҰ ПА бақылаушылары Құрылтай сайлауына дайындықты бағалады

АСТАНА, 21 тамыз – Sputnik. ҰҚШҰ Парламенттік Ассамблеясының бақылаушылар тобы Қазақстанның Орталық сайлау комиссиясының басшылығымен кездесу өткізді.

"ҰҚШҰ ПА жауапты хатшысы Сергей Поспелов мониторингтің объективті түрде, Қазақстанның егемендігін құрметтей отырып жүргізілетінін атап өтті. Сондай-ақ ол 2022 жылы Парламенттік Ассамблея қабылдаған ҰҚШҰ-ға мүше мемлекеттердегі сайлау процестері мен егемендікті қорғау жөніндегі ұсынымдардың маңыздылығын еске салды", - делінген ұйымның хабарламасында.

Орталық сайлау комиссиясының өкілдері 23 тамызда өтетін дауыс беруге дайындықтың қорытынды кезеңдері туралы егжей-тегжейлі айтып берді.

Тараптар сайлау учаскелерінің техникалық жарақтандырылуын, сондай-ақ сайлау процесінің ашықтығы мен заңдылығын қамтамасыз ету шараларын талқылады.

Құрылтай депутаттарының сайлауын бақылау үшін 777 халықаралық бақылаушы аккредиттелді. Оның ішінде 42 шет мемлекеттің атынан 160 және 13 халықаралық ұйымның атынан 617 өкіл бар.

Сондай-ақ бақылаушылар қатарында 41 ел парламентінің 138 депутаты болады.