ҰҚШҰ мен ТМД парламентаралық ассамблеяның байқаушылары Құрылтай сайлауына шақырылды

АСТАНА, 9 шілде – Sputnik. Сыртқы істер министрі Ермек Көшербаев ҰҚШҰ парламенттік ассамблеясының төрағасы Вячеслав Володин мен ТМД парламентаралық ассамблеясы кеңесінің төрағасы және Ресей Федерация кеңесінің спикері Валентина Матвиенкоға ресми шақырулар жіберді.

Министр оларды 2026 жылдың 23 тамызына жоспарланған Қазақстан Құрылтайына алғашқы сайлауды халықаралық бақылауға қатысуға шақырды.

"Қазақстан ұлттық заңнама мен халықаралық стандарттарға сәйкес келетін ашық сайлау өткізуді қамтамасыз ету үшін барлық қажетті күш-жігерін салады", - делінген хатта.

Бұл ТМД парламентаралық ассамблеясының байқаушылары үшін Қазақстандағы 21-ші бақылау миссиясы болады. Ассамблея 1994 жылдан бері сайлаулар мен референдумдарды бақылап келеді. ТМД ПАА-ның алғашқы тобы өз жұмысын Қазақстанда бастады. Парламенттік сайлауды бақылау ассамблея тарихындағы осындай 170-ші миссия болады.

Қасым-Жомарт Тоқаев 1 шілдеде Құрылтай депутаттарын сайлау туралы жарлыққа қол қойды. Қазақстанның Орталық сайлау комиссиясы саяси партиялардан кандидаттардың тізімдерін қабылдап жатыр. Сонымен қатар, бес ұйым сайлау кезінде қоғамдық пікір сауалнамаларын жүргізуге өтініш берді.