Үш кербез Құрманғазы атындағы Мәдениет үйі алдына қайтарылды

«Кербездер» мүсіні Мәдениет үйінің ғимаратының алдына, жаңадан салынған гидротехникалық құрылғының жанына орнатылды. 

«Үш кербез» мүсінінің қалдықтары ретро-паркте тұрған кезде Құрманғазы атындағы Мәдениет үйінің алдындағы алаңда жаңа субұрқақ пайда болды. Ол осы айда бірнеше күн ішінде орнатылып, қысқа уақытқа су жүйесіне қосылып, сынақтан өткізілді.

«Ақ Жайық» редакциясы Атырау қаласының әкімі Шәкір Кейкинің атына ресми сауал жолдады. Онда жаңа субұрқақтың құрылысына қаржы қайдан бөлінгені және неге мүсінді сол орнында қалпына келтіріп, қаланың ең көне субұрқағын жөндеуге болмайтыны туралы сұрақтар қойылған. Себебі бірнеше жыл бұрын дәл осылай жасау жоспарланған болатын.

Айта кетейік, жаз айларында облыс әкімі Серік Шәпкенов «Үш кербез» мүсінін сақтап, тарихи орнына қайта орнатуға уәде берген болатын.

Шамасы, редакция жолдаған сауалдар соншалықты қиын болса керек, әкімдіктен жауап болмады. Әкімдіктен келген ресми хатта тек мынадай түсініктеме жазылған: «Құрылғының тозуына байланысты қайта жаңғырту жұмыстары жүргізілді, оның аясында бетондау жұмыстары қайта орындалды. Осы жылдың қараша айының соңына дейін субұрқақ бұзылып, Құрманғазы атындағы Мәдениет үйінің аумағына көшіріледі».

Кеше «Үш кербез» мүсіні парктен алаңға қайта әкелінді. Соған қарағанда, олар жай ғана мүсіндік композиция боп қалмақ.

Лев ГУЗИКОВ 

Суреттерді түсірген автор және Гүлмира Сайфеденовадан

Бүгін, 19:03