Вагондардың рельстен шыққаны үшін шетелдік өндіруші компания өтемақы төледі

АСТАНА, 30 қазан – Sputnik. Жамбыл облысында сот жүк вагондары рельстен шығып кеткен жергілікті компанияның пайдасына 60 млн теңгеден астам қаражат өндіріп алды.

Оқиға 2022 жылдың қысында "Науалы" станциясында болған. 12 жүк вагоны жолдан шығып кеткен, оның төртеуі ЖШС-ге тиесілі болған.

"Тергеу қорытындысында апат шетелдік кәсіпорын дайындаған бүйірлік жақтаудың сынуы салдарынан болғаны анықталды. Сараптама сынуға себеп болған құю кезіндегі ақауларды анықтады. Зақымданудың ауыр болғаны соншалық, вагондарды есептен шығаруға тура келген", - деп жазылған хабарламада.

Оқиға салдарынан ЖШС-нің ғана емес, басқа екі мекеменің де мүлкіне зиян келген. Компания оларға 60 млн теңгеден астам сомаға шығындарды өз бетінше өтеп, сотқа растайтын төлем құжаттарын ұсына отырып, содан кейін барып АҚ-ға регрессиялық талап қоюмен жүгінген.

"2023 жылы экономикалық соттың күшіне енген шешімімен өндірушінің кінәсі анықталған: оның құю кезіндегі ақаулары вагондардың зақымдалуына әкеліп соққан. Бұл шешім жаңа істі қарау кезінде преюдициялық маңызға ие болды", - деп хабарлады соттағылар.

Сот АҚ әрекеттері мен апат арасындағы себеп-салдарлық байланыстың бар екенін анықтады және талап қоюшының талаптарын қанағаттандырды. Шетелдік өндірушіден 60 млн теңгеден астам өтемақы және 1,8 млн теңге сот шығындары өндірілді.

Шешім заңды күшіне енді.