Таразда мұғалімді жұмыстан заңсыз шығарған мектеп 1,8 млн теңге өтемақы төледі

АСТАНА, 10 қазан - Sputnik. Таразда бастауыш сынып мұғалімін жұмыстан заңсыз шығарып жіберген, деп хабарлайды Тараз қалалық сотының баспасөз қызметі.

Сот "моральға қайшы қылық жасағаны" үшін жұмыстан шығарылған мұғалімнің құқын қорғады.

"Моральға қайшы қылық жасады деп жұмыстан шығарылған мұғалім сотқа жүгінді. Талап қоюшы ешқандай моральға қайшы қылық жасамағанын және оқушылардың ата-аналарымен жанжал оқу процесінің мәселелері бойынша келіспеушіліктерден туындағанын айтты", - дейді соттағылар.

Биыл наурызда тексеру жүргізілген, алайда педагогикалық әдепті бұзу фактісі анықталмаған.

"Жұмыстан босату туралы шешім әдеп жөніндегі кеңестің қатысуынсыз жүзеге асқан. Жұмыс беруші сілтеме жасаған теріс қылықтар құжат түрінде дәлелденбеген", - дейді ведомстводағылар.

Сот жұмыстан босату туралы бұйрықты заңсыз деп танып, бастауыш сынып мұғалімін лауазымында қалдыру туралы шешім шығарды.

Мәжбүрлі түрде жұмыста болмағаны үшін мұғалімнің пайдасына 1,8 млн теңге мөлшерінде жалақысы, 50 мың теңге моральдық зиян және 300 мың теңге сомасында сот шығындары өндірілді.