World Boxing әлемдік рейтингі: жеті қазақстандық боксшы өз салмағында көш бастады

АСТАНА, 19 қазан — Sputnik. Халықаралық World Boxing федерациясы әлемнің үздік боксшыларының алғашқы рейтингін жариялады, деп хабарлайды Sputnik Қазақстан ҰОК баспасөз қызметіне сілтеме жасап.

Қазақстан құрамасының жеті өкілі үздіктер тізімінің көшін бастады.

Атап айтқанда, Назым Қызайбай (48 келіге дейін), Аида Әбікеева (65 келіге дейін), Наталья Богданова (70 келіге дейін), Санжар Тәшкенбай (50 келіге дейін), Махмұд Сабырхан (55 келіге дейін), Төрехан Сабырхан (70 келіге дейін) және Айбек Оралбай (90 келіден жоғары) өз салмақ дәрежелерінде бірінші орынға ие болды.

Сондай-ақ Алуа Балқыбекова (51 келіге дейін, 2-орын), Виктория Графеева (60 келіге дейін, 3-орын), Елдана Тәліпова (80 келіден жоғары, 3-орын) және Нұрбек Оралбай (80 келіге дейін, 2-орын) үздік үштікке енді.

Айта кетері, рейтингтік ұпайлар 2024 жылғы Олимпиада ойындарының, әлем чемпионатының, Әлем кубогы кезеңдерінің және World Boxing Challenge турнирлерінің нәтижелері бойынша беріледі.

Толық тізімді мына сілтемеден көре аласыз.