Янукович тағы 15 жылға сотталды: Украинаның экс президентіне жаңа үкім шықты

Украинаның бұрынғы президенті Виктор Януковичке тағы бір сырттай үкім шығарылды. Ол жер телімдерін заңсыз иемденгені үшін 15 жылға бас бостандығынан айырылды. Бұл туралы Украинаның Жоғары антикоррупциялық соты мәлімдеді, деп хабарлайды Egemen.kz. 

Іс материалдарына сәйкес, 2007 жылы премьер-министр болған Виктор Янукович Киев облысындағы Днепр-Тетерев орман-аңшылық шаруашылығына қарасты орман қоры жерін иемдену мақсатында жер мәселесіне қатысты шешімдердің қабылдануына бастамашы болған.

«Қылмыстық схеманы жүзеге асыру үшін бұрынғы президенттің сыбайластары өздеріне жақын адамдарды тартқан. Олар Киев облыстық мемлекеттік әкімдігіне көлемі 1 гектарға дейінгі жер телімдерін беру туралы бірнеше өтініш тапсырған, кейін олардың нысаналы мақсатын өзгертуге қол жеткізген. Бұл өз кезегінде жерді бұрынғы президенттің бақылауындағы компанияға кедергісіз беруге мүмкіндік берді», деп хабарлады ВАКС.

2009-2011 жылдары аталған аумақта қонақүй-мейрамхана кешені салынған. Виктор Янукович бұл нысанды жеке қажеттіліктері үшін пайдаланған.

Сот экс-президентті орман қорының аумағындағы көлемі 17,5 гектар болатын, шамамен 22 млн гривен (260 миллион теңгеге жуық) тұратын жер телімін заңсыз иемденгені үшін кінәлі деп таныды.

Украинаға қауіпсіздік кепілдіктері беріле ме?

2025 жылғы сәуір айында Виктор Янукович сондай-ақ әскерден қашуға итермелеу және мемлекеттік шекара арқылы заңсыз өтуге ұйымдастырушылық жасағаны үшін сырттай 15 жылға сотталған болатын.

Ал 2019 жылғы қаңтарда оған Украинаға қарсы агрессиялық соғыс жүргізуге көмектесті және мемлекетке опасыздық жасады деген айыптар бойынша 13 жылға бас бостандығынан айыру жазасы тағайындалған. Бұл үкім де сырттай шығарылды, себебі бұрынғы президент 2014 жылы елден қашып кеткен.

Зеленский Трамппен Украина мен АҚШ арасындағы еркін сауда туралы келісімді талқылады

Бұған дейін Украина Бас прокуратурасы Виктор Януковичтің Ресей Федерациясының Мәскеу облысындағы Барвиха елді мекенінде жүргенін хабарлаған. Янукович Украинаны 2010–2014 жылдар аралығында басқарған болатын.

Ресей үш жылда Украина аумағының қанша бөлігін басып алды?

Соңғы жаңалықтар

Абай облысында 92 ағаш заңсыз кесіліп, залал 760 мың теңгеден асқан

Қоғам • Бүгін, 00:29

Робот-хирург тізе буынын ауыстыру отасын жасады

Технология • Кеше

«Қайрат» бельгиялық «Брюггеден» ірі есеппен жеңілді

Футбол • Кеше

Жамбыл облысында оқушыларға арналған эко-лагерь ашылуы мүмкін

Қоғам • Кеше

Суперкомпьютердің қажеттілігі неде?

Қоғам • Кеше

Шымкенттің коммуналдық қызметі шетелдік компанияға беріле ме?

Оқиға • Кеше

4 млн теңге айыппұл: Таразда көлік жүргізуші ұсталды

Қоғам • Кеше

Әлемнің 10-шы ракеткасы атанған Бублик «Australian Open» турнирін сәтті бастады

Спорт • Кеше

Қостанайда өңір оқырмандарының «Оқы және жең» байқауы мәреге жетті

Аймақтар • Кеше

Қарағанды облысының велошабандозы әлемдік деңгейдегі команда құрамына енді

Спорт • Кеше

Банкоматтан қолма-қол ақша шешіп алатындар камераға не үшін түсіріледі?

Қоғам • Кеше

Жеңіл өнеркәсіпті дамыту үшін Шымкент жаңа қадамға барды

Экономика • Кеше

Елордада бұқаралық шаңғы жарысы қашан өтеді?

Спорт • Кеше

Жоғалған шопан табылды

Оқиға • Кеше

Алматыдағы Есентай өзенінде сел қайтадан жүруі мүмкін

Қоғам • Кеше

Барлық жаңалықтар