Ясауи кесенесі маңындағы оқиға: полицейлер жоғалған турист баланы іздеп тапты

Баласын өз бетінше таба алмаған азамат дереу туристік полиция қызметкерлеріне жүгінді.
Полицейлер арыз түскен сәттен бастап жедел әрекет етіп, іздестіру шараларын бірден ұйымдастырды. Тәртіп сақшылары оқиға орнын және жақын маңдағы аумақтарды толық тексеріп, бейнебақылау камералары арқылы баланың қозғалыс бағытын анықтады. Сонымен қатар жақын маңдағы нысандар, оның ішінде сауда орындары тексеріліп, патрульдік жасақтарға нақты бағыт-бағдар беріліп, үйлесімді жұмыс жүргізілді.
Жедел қабылданған шаралардың нәтижесінде балақай бірнеше сағат ішінде жақын маңдағы дүкендердің бірінен аман-есен табылып, ата-анасына табысталды.
Шетелдік азамат полиция қызметкерлерінің жеделдігі мен кәсібилігіне алғысын білдірді.

Еске сала кетейік, Ақтөбеде өзенге құлап кеткен баланың денесі 20 күннен соң табылды.