Зейнетақы жинақтарының 100 пайызға дейінгі бөлігін енді жеке басқарушы компанияларға аударуға болады

7 қыркүйектен бастап Қазақстанда зейнетақы жинақтарын басқару ережелері өзгерді. Енді БЖЗҚ салымшылары міндетті зейнетақы жарналары мен міндетті кәсіптік зейнетақы жарналары есебінен қалыптасқан қаражатының 100 пайызға дейінгі бөлігін инвестициялық портфельді басқарушыларға (ИПБ) аудара алады. Бұған дейін бұл лимит 50 пайыз болатын. Бұл туралы "Alatau City Invest" АҚ хабарлады.

Бұл ретте инвестициялық компания өкілдері сөз зейнетақы жинақтарын шешіп алу немесе мерзімінен бұрын пайдалану туралы емес екенін баса айтты. Қаражат зейнетақы мәртебесін сақтайды және БЖЗҚ-дағы жеке зейнетақы шотында есепке алына береді. Салымшы жинақтарының қанша бөлігін Ұлттық банктің басқаруында қалдыруды, ал қанша бөлігін кәсіби басқарушыға беруді өзі шешеді.

Компания ИПБ-ны таңдау кезінде тек ағымдағы кірістілікті ғана емес, сонымен қатар ұзақ мерзімді нәтижелерді, инвестициялық стратегияны, әртараптандыруды, валюталық құрылым және тәуекел деңгейін ескеруге кеңес береді. Инвестициялық портфельді басқарушылар, олардың инвестициялық қызметі және портфельдерінің құрылымы туралы ақпаратты БЖЗҚ сайтынан көруге болады.

Кәсіби басқарушы мәліметінше, "Alatau City Invest" АҚ зейнетақы активтерімен жұмыс істейтін ИПБ қатарына кіреді. 2023 жылғы 1 қаңтар мен 2026 жылғы 31 шілде аралығында компанияның басқаруындағы зейнетақы активтерінің кірістілігі абсолюттік мәнде 56,27 пайыз болды. Қазақстан Республикасы Ұлттық банкінің басқаруындағы зейнетақы активтерінің кірістілігі дәл осы кезеңде - 45,51 пайыз.

Алдымен салымшы зейнетақы активтерін басқаруға рұқсаты бар ИПБ тізімінен басқарушы компанияны таңдауы қажет. Өтінімді БЖЗҚ жеке кабинеті арқылы қашықтан ЭЦҚ көмегімен немесе қордың бөлімшесіне барып жеке тапсыруға болады. Өтінімнің мәртебесі мен қаражаттың аударылу барысын БЖЗҚ цифрлық сервистері арқылы бақылап отыруға мүмкіндік бар.

Сондай-ақ Alatau City Invest өткен кезеңдегі кірістілік болашақта да осындай нәтижелерге кепілдік бермейтінін еске салды. Инвестициялық портфельді басқарушыны таңдау туралы шешімді салымшы өз бетінше қабылдайды.

"Alatau City Invest" АҚ. Бағалы қағаздар нарығында қызметті жүзеге асыруға арналған №3.2.239/16 лицензиясын, Қазақстан Республикасы Қаржы нарығын реттеу және дамыту агенттігі 22.08.2025 жылы берген.

Жарнамалық материал

Бізді Google-дың негізгі дереккөздер тізіміне қосыңыз