Зейнетақыңызды көбейтеміз : жаңа алаяқтық тәсіл пайда болды

Қордың мәліметінше, алаяқтар ресми әңгіме жүргізіп отырғандай әсер қалдыру үшін бөлімшелердің нақты мекенжайларын атап, азаматтарды кеңселерге келуге шақырады. Қызмет көрсетуді «жеделдету» мақсатында олар электронды кезекке алдын ала жазылуды ұсынып, SMS арқылы келген кодты айтуды сұрайды.

ШҚО-да полицейлер зейнеткерді алаяқтардан құтқарып қалды

Кейбір жағдайларда салымшылар мұндай кодтарды айтып қойған. Соның салдарынан алаяқтар олардың жеке деректеріне қол жеткізген.

БЖЗҚ қызметкерлері ешқашан SMS-кодтарды, құпиясөздерді, банк деректемелерін немесе басқа да құпия ақпаратты сұрап қоңырау шалмайтынын ескертеді. Қордың барлық қызметтері тегін көрсетіледі және қолданыстағы заңнамаға сәйкес жүзеге асырылады. Ал зейнетақы төлемдерін рәсімдеу тек ресми арналар арқылы жүргізіледі.

Қарағандыда зейнеткерлерді алдаған алаяқ ұсталды

Сондай-ақ Қор азаматтың аты-жөні, ЖСН-і, мекенжайы немесе жұмыс орны сияқты жеке мәліметтердің белгілі болуы қоңырау шалушының шынымен Қор қызметкері екенін дәлелдемейтінін атап өтті. Өйткені мұндай ақпарат ашық дереккөздерден алынуы мүмкін.

Осыған байланысты азаматтарға телефон арқылы келген кодтарды және жеке деректерін ешкімге хабарламау, күмәнді қоңырауларды бірден тоқтату, ақпаратты БЖЗҚ-ның ресми сервистері арқылы тексеру және қажет болған жағдайда құқық қорғау органдарына жүгіну ұсынылады.