Жаңа жылда ең көп нәресте дүниеге келген өңірлер белгілі болды

Денсаулық сақтау министрлігінің мәліметінше, 2026 жылдың алғашқы күнінде дүниеге келген сәбилердің арасында ұлдар мен қыздар саны бірдей болды, – деп хабарлайды Aikyn.kz сайты.

Ақтөбе облысында бір егіз өмірге келді.

Дәстүрлі түрде ең көп нәресте дүниеге келген өңірлер:

Түркістан облысы — 29 бала,

Шымкент қаласы — 24,

Астана — 22,

Алматы қаласы — 21.

Министрлік «Аналар саулығы» бағдарламасы аясында әйелдердің денсаулығын нығайту және жүктілікке дайындық сапасын арттыру мақсатында профилактикалық тексерулер мен прегравидарлық дайындық жұмыстарын жүргізіп келеді.

2025 жылдың қорытындысы бойынша:

Прегравидарлық дайындықпен қамту көрсеткіші 11%-ға артып, 46,5%-ды құрады.

Жүктіліктің алғашқы 10 аптасында есепке тұрған әйелдер саны 25%-ға өсті.

Бұл көрсеткіштер әрбір болашақ анаға жеке көзқараспен қарауға, сапалы антенаталдық күтіммен қамтамасыз етуге, қауіпсіз босануға және босанғаннан кейінгі кезеңде тиімді бақылау жүргізуге мүмкіндік береді.