Жапонияның үкіметі отставкаға кетті

Елдің үкіметі толық құрамымен отставкаға кетті, – деп хабарлайды  Aikyn.kz Еуразия Бірінші арнасының ақпаратына сәйкес.

Ал жаңа премьер-министр лауазымына Санаэ Такаити тағайындалмақ. Ол бұл қызметті атқаратын Жапония тарихындағы алғашқы әйел болмақ. 

Санаэ Такаити 4 қазанда елдің билеуші Либералдық-демократиялық партиясының (ЛДП) жаңа төрағасы болып сайланған еді. Енді жақын күндері ол ресми түрде премьер-министр болып бекітіледі деп күтілуде.

Оппозициялық партиялар бірлескен кандидат ұсынуға талпыныс жасағанымен, бұл бастама нәтижесіз аяқталды. Теориялық тұрғыдан бұл оларға үкімет басшылығына өз өкілін сайлауға мүмкіндік бере алатын еді.

Сараптама, зерттеу мақала, күнделікті өзекті ақпаратты «Айқынның»  TELEGRAM  арнасынан табасыз.