Данияның премьер министрі Метте Фредериксен отставкаға кетті

Бұл шешім жаңа коалиция құру процесін бастады, оның құрамында өзі қайтадан үкімет басшысы болуы да мүмкін.

24 наурызда өткен сайлауда Фредериксеннің социал-демократтары айтарлықтай жеңіліске ұшырады. Нәтиже соңғы жүз жылдан бергі ең төмен көрсеткіштердің бірі болды. Солшыл-центристік блок оңшыл лагерьден алда болғанымен (179 орынның 84-і), 90 орындық абсолютті көпшілікке жете алмады.

Фредериксен сайлау нәтижесін «қабылдауға болады» деп бағалап, елге тұрақты үкімет қажет екенін айтты. Ол жауапкершілікті өз мойнына алуға дайын екенін жеткізді.

Коалициялық келіссөздерде Moderaterne партиясы шешуші рөл атқаруы мүмкін. Бұл партияны бұрынғы премьер-министр, қазіргі сыртқы істер министрі Ларс Лёкке Расмуссен басқарады. Олар 14 мандат алып, билік үшін тартыста негізгі факторға айналды.

Әзірге Фредериксеннің үкімет құру мандатын алатыны белгісіз.

Отставкадан кейін Дания королі Фредерик X барлық парламенттік партия жетекшілерімен «корольдік раунд» аясында кездесу өткізеді. Бұл процедура барысында саясаткерлер болашақ үкімет басшысын кім ретінде қолдайтынын білдіреді. Осыдан кейін монарх коалиция құруға алғашқы мүмкіндік берілетін тұлғаны анықтайды.

Айта кетейік, бұл Фредерик X үшін 2024 жылғы таққа отырғаннан бергі алғашқы «корольдік раунд» болмақ.

Айта кетелік Данияда парламент сайлауы өтіп жатқаны туралы жазған едік.