Баспанамен қамтуға басымдық берілді

Қала әкімі Ғабит Сыздықбеков Асар-2 шағынауданында жаңа пәтерлерге қо­­­ныстанатын 40 отбасыға баспана кіл­тін табыстау рәсіміне қатысты. Жаңа қо­­­ныс иелерінің қатарында көпбалалы жә­­­не толық емес отбасылар, мүгедектігі бар азаматтар, сондай-ақ бюджет сала­сы­­­ның қызметкерлері бар. Пәтерлер «От­басы банк» АҚ-ның «2-10-20» және «5-10-20» жеңілдетілген несиелеу бағ­дар­ламалары аясында төлем қабілет­тілі­гін растаған азаматтарға берілді.

«Әр отбасының өз баспанасы болуы – әлеуметтік әл-ауқаттың ғана емес, от­ба­сылық берекенің де негізі» деген ұста­ным­мен қалада тұрғын үй мәселесін ше­шуге ерекше мән беріліп отыр. Себебі бас­пана – отбасының қауіпсіздігі мен тұрақ­тылығы, балалардың алаңсыз тәр­биесі және ертеңгі күнге деген сенім қа­лыптасатын орта. Биыл Шымкентте тұр­ғын үй кезегінде тұрған азаматтарға 7 386 пәтер беру жоспарланған. Оның ішін­де 2 818 пәтер жалға берілетін, 4 568 пәтер – несиелік тұрғын үй.

Бүгінде кезекте тұрған 3 699 азамат­тың баспана мәселесі шешілді. Оның ішін­де 2 192 отбасы несиелік тұрғын үй­­мен, 1 507 отбасы жалға берілетін тұр­ғын үймен қамтамасыз етілді. Жыл соңына дейін тағы 3 687 пәтер беру жос­парлануда.

Қала әкімі Ғабит Сыздықбековтің же­текшілігімен жүзеге асырылып жат­қан бұл жұмыстардың басты мақсаты – тұрғын үймен қамтуды сандық көрсет­кіш­пен шектемей, адамдардың нақты қа­жеттілігіне бағыттау. Әсіресе әлеумет­тік осал санаттағы азаматтар мен отбасы­лар­ға қолдау көрсетуге басымдық бері­лу­де. Отбасы – қоғамның берік іргетасы. Сон­дықтан әр шаңырақтың әл-ауқатын арттыру, балалардың лайықты ортада өсуі­не жағдай жасау және азаматтардың тұрғын үй мәселесін шешу – Шым­кент­тің әлеуметтік даму саясатындағы маңыз­д­ы бағыттың бірі.

Назгүл НАЗАРБЕК,

Шымкент қаласы