Жердің тозуы мен шөлейттенуге қарсы Қазақстан қалай күресіп жатыр

— Жарқын мысал ретінде Астананың айналасына 1997 жылдан бастап өсірілген жасыл белдеуді атауға болады. Бүгінде аталған орман алабының көлемі — 102 мың гектар. Демек, топырағы ағаш өсіруге құнарсыз жердің өзіне ғылымның, ұзақ мерзімді жоспардың және кәсіби жұмыстың арқасында орман жайқалтуға болады, — деді ол.

Сонымен бірге, Мемлекет басшысының тапсырмасымен, бұл мақсаттағы жұмыстар әлі де жалғасып жатыр.

— Мемлекеттік орман қорында 2 млрд, ал елдімекендерде 15 млн ағаш отырғызу жоспарда бар. Бұл жобалар елдің «жасыл қаңқасын» қалыптастырып, климаттық өзгерістердің алдын алады әрі халықтың өмір сапасын жақсартады, — деді министр.

Оның сөзінше, 2021 жылдан бері мемлекеттік орман қорында 1 млрд 648 млн көшет отырғызылған. Ал елдімекендерде 18,1 млн ағаш егілген.

Экологиялық мәдениетті дамытудың 2024-2029 жылдарға арнғалған концепциясы «Таза Қазақстан» да бұл бағытқа тың серпін беріп келеді.

Айта кетейік, бұған дейін Жапония Қазақстанға қандай жобаларды атқаруға көмектесетінін жазғанбыз.