Грузия қоқыспен күресіп жатыр

Грузияда жыл сайын тұрғындар шамамен 1 млн тонна тұрмыстық қалдық тастайды.

Бұл көрсеткіш халық саны 3 млн 700 мыңға жуық ел үшін айтарлықтай жоғары. Тбилисиде жалғыз қоқыс полигоны 15 жылдан бері жұмыс істеп келеді. Елде қалдықтарды сұрыптап жинау жүйесі жоқ. Ал қайта өңдеу зауыттары жоқтың қасы. «Parki Ar Minda» экологиялық жобасы алты жылдан астам уақыт бойы қалдықтарды жинап, сұрыптаумен айналысады. Күн сайын қайта өңдеуге шамамен 8 тонна қалдық қабылдайды. Жобаға тұрақты түрде мыңнан астам адам қатысып келеді. Олардың қатарында жергілікті тұрғындар мен шетелдіктер бар. 

Татьяна Ремнёва, «Рarki ar minda» экологиялық жобасының негізін қалаушы:

- Жоба адамдарға қоқысты жауапкершілікпен өңдеуге жағдай жасайды. Қалдықтар құрамына пластик, қағаз, картон, шыны және алюминий сынды 15 түрлі материал кіреді. Бұл қызметке сұраныс жоғары.