ЖИ жылына 1 млн тоннаға жуық көмірқышқыл газымен ауаны ластайды

Environmental Research Letters журналында жарияланған зерттеуге сүйенген Aikyn.kz ЖИ-дің жаппай енгізілуі АҚШ-та жыл сайынғы CO₂ шығарындыларын жүздеген мың тоннаға өсіруі мүмкін екенін талдайды.

АҚШ-та ЖИ кең қолданылған сайын көмірқышқыл газының шығарындылары өседі деп болжануда. Бұл қайтарымсыз үрдіс энергияны үнемдейтін ЖИ жүйелерінің маңызын күшейткен. Сонымен бірге энергияны тиімді пайдаланатын ЖИ жүйелеріне деген сұранысты арттырған.

Environmental Research Letters журналында басылған зерттеу АҚШ бойынша жасанды интеллекті (ЖИ) кеңінен енгізу жыл сайынғы көмірқышқыл газының (CO₂) шығарындыларын шамамен 900 000 тоннаға арттыруы ықтимал екенін бағалайды. Бұл көрсеткіш белгілі бір өсім болғанымен, ғалымдар оның ұлттық жалпы шығарындылардың шағын бөлігі ғана болатынын атап өтеді.

ЖИ жүйелері тиімділікті арттырып, экономикалық өсімді жеделдету үшін көбірек қолданылған сайын, олардың экологиялық әсері энергияны көп қажет ететін басқа салалармен салыстырғанда аса үлкен емес екенін зерттеу нәтижелері көрсеткен. Ғалымдар ЖИ-дің бірнеше секторда қалай енгізілуі мүмкін екенін бағалап, осы кеңеюге байланысты электр энергиясына сұраныстың қаншалық артатынын және соның салдарынан шығарындылардың қалай өсетінін есептеген.

Фото primotly.com сайтынан алынды 

Негізгі нәтижелер былай болған. ЖИ-дің АҚШ экономикасына кеңінен енуі жылына шамамен 896 000 тонна қосымша CO₂ шығарындыларын туындатуы мүмкін. Дегенмен бұл өсім АҚШ-тың жалпы шығарындыларының небәрі 0,02% мөлшеріне тең.

ЖИ саласында энергияға сұраныс жылына 12 петаджоульге дейін өсуі ықтимал. Бұл АҚШ-тағы шамамен 300 000 үй шаруашылығының жылдық электр тұтынуына жуық көлем.

Зерттеу авторларының бірі Энтони Р. Хардинг: «ЖИ-ді енгізуден болатын шығарындылар басқа секторлармен салыстырғанда көп емес. Бірақ бәрібір елеулі өсім саналады. Сондықтан ЖИ жасау мен оны енгізу барысында энергия тиімділігі мен тұрақтылықты қатар ескеру маңызды», – деп түсіндіреді.

ЖИ технологиялары күнделікті процестерге тереңірек кіріккен сайын, зерттеушілер бұл салаға энергия үнемдеу мен тұрақты даму қағидаларын енгізуге шақырады. Бұның мақсаты – ЖИ кеңіген кезде өсім «жауапты» әрі басқарылатын арнада жүруі керек.