Жолаушылар пойызы арқылы мың тоннадан астам жүк заңсыз тасымалданған

АЛМАТЫ, 12 мамыр – Sputnik. Жолаушылар пойызы арқылы төрт айда 1 308 кг жүк заңсыз тасымалданған, деп хабарлайды Көлік министрігі.

Жыл басынан бері 280 жолаушылар пойызы тексерілді.

"Тексеру қорытындысы бойынша 4 айда жолаушыларды тасымалдау қағидалары 569 рет бұзылған. Билетсіз жүрген 88 жолаушы, сондай-ақ рәсімделмеген 1 308 кг жүк анықталды", - дейді министрлік.

Тексеру барысында вагондардың техникалық жай-күйіне, сервистік қызмет көрсету сапасына, сондай-ақ мүгедектігі бар азаматтар мен жүріп-тұруы шектеулі жолаушыларға қолайлы жағдай жасау мәселелеріне назар аударылды.

9 жолаушылар вагонын пайдалануға уақытша тыйым салынды.