Жолаушылар тасымалы көктемгі жеңілдіктер жариялады

1–30 сәуір аралығында «Жолаушылар тасымалы» АҚ сұранысқа ие бірқатар бағыттар бойынша теміржол билеттеріне 25% көлемінде көктемгі жеңілдіктер енгізді. 

Жеңілдіктер белгіленген кезеңде қолданылады және жол жүру құжаттарын ресімдеудің бекітілген талаптары сақталған жағдайда ұсынылады. 

Жолаушыларға №105/106 «Петропавл – Алматы» және №77/78 «Алматы – Маңғыстау» бағыттарында жоғарғы орындарға 25% жеңілдік беріледі.

Бұл жеңілдіктер дүйсенбі, сейсенбі, сәрсенбі және бейсенбі күндері қатынайтын пойыздарға қолданылады. 

Қосымша ретінде №65/66 «Астана – Қызылорда» бағыты бойынша турист (2Д, купе) вагондарына да 25% жеңілдік қарастырылған.

Бұл бағытта жеңілдік билеттерді пойыз жөнелтілетін күнге дейін 45-тен 15 күн бұрын сатып алған жағдайда ұсынылады және турист санатындағы вагондарға төменгі және жоғарғы орындарға қолданылады. 

Жеңілдікпен билеттер www.bilet.railways.kz ресми сайтында, сондай-ақ теміржол вокзалдарындағы билет кассаларында сатылады.

Қосымша ақпаратты 1433 нөмірі арқылы тегін алуға болады.

Бүгін, 14:11