Жолдаудың жарқын жолдары

Президенттің кеңесшісі Мәлік Отарбаев Солтүстік Қазақстан облысында облыс әкімі Ғауез Нұрмұхаметовтың және басқа басшылар, аудан әкімдері, сала жетекшілері, БАҚ өкілдерінің қатысуымен Мемлекет Басшысы Қасым-Жомарт Тоқаевтың «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу» атты Қазақстан халқына Жолдауын талқылаған мәжіліс өткізді, деп хабарлайды Egemen.kz.

Президенттің кеңесшісі ауылдық аймақтардың даму перспективалары цифрлық өзгерістерге байланысты екенін атап өтті. Мәжілісте Солтүстік Қазақстан облысында 590 ауылдық елдімекендер болса, соның 300-ден артығы перспективалы деп есептелетіндігі айтылды. Бұларда ауыл халқының 82 пайызы тұрады.

Мемлекеттің қолдауымен ауылдық жерлердің өмір сүру жағдайы жақсаруда. Қазір ауылдарға жаңа үйлер, мектеп, медициналық мекемелер мен спорттық нысандар салынуда. Аграрлық кешендерде цифрланған озық технологиялар енгізілуде.

Мәлік Отарбаев өзінің сөзінде цифрландырудың осы заманның өзекті талабы екенін атап, Жолдаудың тапсырмаларын сөзсіз орындау елдің дамуына кепілдік беретінін атап өтті.

Солтүстік Қазақстан облысы