Жұмыс орнындағы жанжал адам өліміне әкелген

Фото: istockphoto.com

Қайғылы оқиға туралы ақпарат әлеуметтік желілерде тарады. Марқұмның туыстары оны әріптестері таспен ұрып-соғып, тірідей көміп кеткен болуы мүмкін деп мәлімдеген. Оның денесі бірнеше күндік іздеу жұмыстарынан кейін табылды.

Өңірлік полиция департаментінің баспасөз қызметі күдіктілердің ізін суытпай ұсталғанын растады.

Полиция мәліметінше, 27 мамыр күні Ұйғыр аудандық полициясына әйел адам ұлының жоғалғаны туралы арыз түсірген. Оның айтуынша, ұлы жұмыс орнына кеткеннен кейін байланысқа шықпай қалған. Іздеу шараларының нәтижесінде марқұмның денесі жұмыс орнына жақын жерден табылған.

Алдын ала мәліметтер бойынша, спирттік ішімдік ішкеннен кейін ер адам мен оның әріптестері арасында жанжал туындаған.

Екі күдікті қамауға алынды. Ал оқиға кезінде сол компанияда болған үшінші адамға қатысты процессуалдық шешім тергеу нәтижесіне қарай қабылданады.