Жылыой ауданында бір кеште екі жерден дала өрті шықты

13 мамырда Жылыой ауданының далалығында екі жерде кепкен шөп өртенді. Төтенше жағдайлар қызметінің мәліметінше, зардап шеккен адам жоқ.

Бірінші өрт сағат 20:40 шамасында Атырау — Құлсары тас жолының бойында, Шоқпартоғай ауылынан 15 шақырым жерде басталған. Онда 1 гектар аумақтағы құрғақ өсімдіктер жанып кетті. Тілсіз жау сағат 21:40-та толықтай ауыздықталды.

Көп ұзамай, сағат 22:12 шамасында Жылыой ауданының Аққұдық жерінде тағы бір өрт шықты. Жалын 4 гектар далалық аумақты шарпыды. Өртті сөндіруге өртке қарсы қызмет мамандары жұмылдырылды.

Қазіргі уақытта өрттің шығу себептері анықталып жатыр.

Бүгін, 11:13