Жылыой ауданында жолдар мен электр желілері жаңғыруда: негізгі жобалар

Атырау облысы Жылыой ауданында 62 шақырым жолға күрделі жөндеу жүргізіліп жатыр.

Бірқатар ауылдық округте ауылішілік тас жол құрылысының екінші кезеңі басталды. Жобалар биыл толық аяқталады деп жоспарланған, деп хабарлайды Жылыой ауданы әкімдігінің баспасөз қызметі.

Биыл Ақкиізтоғай, Қара Арна, Қосшағыл және Жем ауылдық округтерінде ауылішілік тас жол құрылысының екінші кезеңі басталды. Бұл жобалар биыл толық аяқталады деп жоспарланған. 

Әкімдіктің мәліметі бойынша, Майкөмген ауылында жаңа жол құрылысының бірінші кезеңі аяқталды. Қарағай елді мекенінде былтыр басталған 14 км жол құрылысы биыл пайдалануға беріледі деп күтілуде.

Аудандық ТҮКШ және тұрғын үй инспекциясы бөлімінің басшысы Дархан Сәдуов хабарлағандай, Инженерлік инфрақұрылымды жаңғырту жұмыстары да жүйелі түрде жүргізіліп жатыр. Шоқпартоғай, Ақкиізтоғай және Тұрғызба ауылдарында электр желілері жаңартылып, іске қосылды. Ал Майкөмген ауылында жоба бойынша конкурс рәсімдері жүргізіліп жатыр. 

Одан бөлек өткен жылы Жаңа Қаратон кентінде ұзындығы 7,2 шақырымды құрайтын көше жарығының құрылысы аяқталып, пайдалануға берілді. Сонымен қатар Жем ауылдық округінде 22,9 шақырым болатын ВЛ-0,4 кВт электр желілерін жаңғырту және жеті комплектілік трансформаторлық подстанция орнату жұмыстары басталды.

Ақкиізтоғай ауылында жаңа тұрғын үй алаңдарына электр желілерін тарту жұмыстары жүргізілуде. Қарағай елді мекенінде электр желілерін жаңғыртуға арналған жобалық-сметалық құжаттама әзірленіп жатыр. 
Интернет сапасын арттыру мақсатында былтыр «Қазақтелеком» АҚ Құлсары қаласындағы 2, 3, 4 ауылдар мен «Достық», «Барлаушы», «Кең Жылыой», «Болашақ» ықшамаудандарын толықтай оптикалық желімен қамтыды.

Бүгін, 18:12