Жыртқыш пен жейрандардың ерекше кездесуі видеоға түсіп қалды

"Алтын-Емел" ұлттық паркіндегі фототұзаққа ерекше сәт түсіп қалды. Бейнежазбада бірнеше қарақұйрықтың бүркітпен қатарласа, алаңсыз су ішіп жатқанын көруге болады, деп хабарлайды Tengri Travel.

Бұл видеоны "Алтын-Емел" ұлттық паркі өзінің Instagram-дағы парақшасында бөлісті. Кадрларда қарақұйрықтар суат басында бүркіттің жанында сабырлы күйде тұр.

"Табиғатта олардың кездесуі әдетте мүлдем басқа сипатта болады: бірі – жыртқыш, екіншісі – әлеуетті жемтік. Алайда бұл жолы бәрі өзгеше болды. Бір-біріне жақын жүргеніне қарамастан, бүркіт пен қарақұйрықтар өздерін жайбарақат ұстап, бір-біріне назар аудармайды", - делінген жарияланымда.

Instagram-дағы бұл жазбаны көру