1 шілдеден бастап Ресейге барған қазақстандықтар үшін жаңа ереже күшіне енеді

АСТАНА, 20 мамыр – Sputnik. Қазақстан сыртқы істер министрлігі биыл 1 шілдеден бастап Ресейге кірудің жаңа ережелері енгізілгені туралы еске салды.

Биыл 1 шілдеден бастап Ресейге жұмыс немесе оқу үшін кіретін қазақстандықтар "RuID мемлекеттік қызметтері" мобильдік қосымшасын қолдануы керек.

Шетелдіктер RuID қосымшасында профиль құруға және жоспарлы шекарадан өтуге дейін 72 сағаттан кешіктірмей өтініш беруге міндетті.

Қосымшада кіру құқығын растайтын дербес QR-код болады.

Алынған QR-код өтініш берілген сәттен бастап 90 күн ішінде жарамды.