​16 жастағы ресейлік Тимур Турков Қазақстанда қалады: сот депортациялау шешімінің күшін жойды

Тимур Турков пен оның адвокаты Айгүл Орынбекова

Оралдағы апелляциялық сот Ресей азаматы, 16 жастағы Тимур Турковқа қатысты шешімді қайта қарады, деп хабарлайды Halyqstan.

Бұған дейін ол Қазақстан шекарасын заңсыз кесіп өткені үшін кінәлі деп танылып, 6 айға бостандығын шектеу және елден шығару жазасына кесілген еді.

Негізгі шешімдер:

Заңсыз шекарадан өткендігі үшін кінәлі деп тану күші сақталды. 6 айға бостандығын шектеу жазасы қалдырылды. Ең маңыздысы — Қазақстаннан депортациялау туралы шешім толықтай жойылды.

Тимурдың ісіне прокурор да араласып, кәмелетке толмағандарға қатысты елден шығару шарасы заңда қарастырылмағанын атап өтті. Сот прокурор мен адвокаттың уәждерін қабылдады.

Қазір Тимур Турков Орал қаласында. Ол Қазақстанда заңды түрде қалу жолын тауып, ресми түрде босқын мәртебесін алуға өтініш беруді жоспарлап отыр.

Бүгін, 19:13