2025 жылы Google дан ең көп ізделген сұрақтар қандай?

Google компаниясы 2025 жылдың ең танымал іздеу сұраныстарының рейтингін жариялады. Биыл қолданушылар жасанды интеллект, ірі спорттық жарыстар және жаңа iPhone туралы ақпаратты жиі іздеген, деп хабарлайды Egemen.kz.

Фото: dreamhost.com

Google дерегінше, ең танымал сұраныс Gemini болды. Жасанды интеллектке арналған сервис спорттық және саяси оқиғаларды да артта қалдырып, нейрожелілерге деген жаһандық қызығушылықтың артқанын көрсетті. Екінші орынға Үндістан мен Англия құрамалары арасындағы крикет матчтары жайғасты. Сондай-ақ рейтингке қытайлық DeepSeek нейрожелісі, Иран мен Израиль арасындағы қақтығыстың ушығуы және iPhone 17 жаңа үлгісі енді.

«Жаңалықтар» санатында қолданушылар ең көп іздеген тақырып – АҚШ-тағы саяси белсенді, Дональд Трамптың жақтасы Чарли Кирктің өлімі болды. Ол 10 қыркүйек күні Юта штатында көпшілік алдында сөз сөйлеп тұрған кезде оққа ұшқан.

Сондай-ақ ең көп талқыланған жаңалықтардың қатарында АҚШ үкіметінің уақытша жұмысының тоқтауы, жаңа Рим папасының сайлануы және Лос-Анджелестегі орман өрттері бар. Интернетте 30 шілдеде болған Камчаткадағы жойқын жер сілкінісі де кең резонанс тудырды. Бұл зілзала өңірде 1952 жылдан бергі ең қуатты жер сілкінісі ретінде тіркелді.

Саясаткерлер арасында іздеу сұраныстары бойынша Жапонияның жаңа премьер-министрі, ел тарихындағы алғашқы әйел үкімет басшысы Санаэ Такаити алдыңғы қатарға шықты. Ол Тайвань төңірегіндегі жағдайды Жапония үшін қауіп деп атап, Қытаймен дипломатиялық шиеленіске себеп болған мәлімдемесімен есте қалды.

«Тұлғалар» санатында ең көп ізделген есім – америкалық әнші Дэвид Берк. Ол 14 жастағы қыздың өліміне байланысты іс бойынша басты күдікті ретінде танылды, марқұмның мәйіті оның көлігінен табылған.

Кино саласында қолданушылар «Анора», «Супермен» және «Minecraft: киноадаптация» фильмдерін жиі іздеген. Ал ең танымал актриса – «Оскар» сыйлығының лауреаты Майки Мэдисон.

Google өкілдері бұл рейтинг жалпы іздеу санына емес, өткен жылмен салыстырғандағы қызығушылықтың өсуіне негізделгенін атап өтті.

Соңғы жаңалықтар

Ақжайықта атымтай жомарттар марапатталды

Аймақтар • Бүгін, 13:00

2026 жылы кімдер көп табыс табады?

Қоғам • Бүгін, 12:50

Әлеуметтік желіде ең белсенді спортшы кім?

Спорт • Бүгін, 12:46

Ақтөбеде 42 млрд теңгеге сусын зауыты салынады

Экономика • Бүгін, 12:32

Ұлттық зерттеу: Салауатты өмір салтын ұстанатындардың көрсеткіші 35,7%-ға өсті

Қоғам • Бүгін, 12:13

Нидерландыда отшашуға тыйым салынады

Әлем • Бүгін, 12:10

ҚазҰУ-да 5 жаңа жатақхананың құрылысы басталды

Қоғам • Бүгін, 12:08

Алматыда археологиялық көрме ашылды

Руханият • Бүгін, 11:59

2025 жылы Google-дан ең көп ізделген сұрақтар қандай?

Технология • Бүгін, 11:42

Алматыға кіру ақылы бола ма?

Аймақтар • Бүгін, 11:34

Бестеректегі төрт баланың өліміне себепкер болған жүргізуші 9 жылға сотталды

Оқиға • Бүгін, 11:30

Балуандардың әлемдік рейтингі жаңартылды

Спорт • Бүгін, 11:28

Атом энергиясы агенттігінің ғылыми-техникалық кеңесі жұмысын бастады

Қоғам • Бүгін, 11:27

Ірі қара мал етін экспорттауға квота енгізіледі

Қоғам • Бүгін, 11:22

Ақтөбе облысында алкогольсіз сусындар шығаратын зауыт салынады

Өндіріс • Бүгін, 11:10

Барлық жаңалықтар