2025 жылы ең көп табысқа кенелген футболшылар рейтингі жарияланды

"Әл-Наср" командасы мен Португалия құрамасының шабуылшысы Криштиану Роналду Forbes журналының нұсқасы бойынша 2025 жылғы ең жоғары жалақы алатын футболшылар тізімінде бірінші орынға ие болды, деп хабарлайды Vesti.kz.

Рейтингте спортшының алаңдағы табыстары (жалақы, бонустар, жүлделер, имидждік құқықтар) және спорттан тыс кірістері (жарнамалық келісімшарттар мен бизнес жобалар) ескерілген.

Forbes дерегінше, Роналдудың жылдық табысы 280 миллион долларды құраған. Оның ішінде 230 миллионы — алаңдағы еңбегі үшін, ал қалған 50 миллионы жарнамалық келісімдерден түскен. Айта кетсек, Роналду былтыр да осы тізімде көш бастаған еді.

Екінші орында — аргентиналық Лионель Месси («Интер Майами»), оның жылдық табысы 130 миллион доллар. Соның 60 миллионы — ойын нәтижелерінен, ал 70 миллионы — футболдан тыс табыс.

Үшінші орынға Сауд Арабиясының "Әл-Итихад" клубында ойнайтын француз Карим Бензема көтерілді — 104 миллион доллар. Оның 100 миллионы тікелей футбол арқылы келген.

2025 жылғы ең көп табыс тапқан 10 футболшы (Forbes нұсқасы бойынша):

1️⃣ Криштиану Роналду (Португалия, Әл-Наср) — 280 млн $
2️⃣ Лионель Месси (Аргентина, Интер Майами) — 130 млн $
3️⃣ Карим Бензема (Франция, Әл-Итихад) — 104 млн $
4️⃣ Килиан Мбаппе (Франция, Реал) — 95 млн $
5️⃣ Эрлинг Холанд (Норвегия, Манчестер Сити) — 80 млн $
6️⃣ Винисиус Жуниор (Бразилия, Реал) — 60 млн $
7️⃣ Мохамед Салах (Египет, Ливерпуль) — 55 млн $
8️⃣ Садио Мане (Сенегал, Әл-Наср) — 54 млн $
9️⃣ Джуд Беллингем (Англия, Реал) — 44 млн $
? Ламин Ямаль (Испания, Барселона) — 43 млн $

Биылғы рейтингте алғашқы ондықтың жалпы табысы шамамен 4 пайызға азайған. Бұған себеп — өткен жылы үшінші орында болған Неймардың (Сантос) тізімнен шығып қалуы. Оның 2025 жылғы табысы 38 миллион доллар, яғни былтырғы (110 млн) көрсеткішінен үш есе төмен.

Бұған дейін Bloomberg агенттігі Криштиану Роналду тарихтағы алғашқы футболшы екенін, оның байлығы 1,4 миллиард доллардан асқанын хабарлаған болатын.

Vesti.kz сайтын осы әлеуметтік желілерінде оқыңыздар

Vesti-де Tik Tok та бар @vestikzsport