2025 жылы қандай тұлғалармен қош айтыстық?

Дүниенің басы – сайран, аяғы – ойран. Таудай тұлғаларын бақиға жөнелткен халқымыз жылан жылын жылап аяқтап отыр. Күні кеше Қазақстанның Еңбек Ері, Халық әртісі Асанәлі Әшімовті жер қойнына тапсырдық. Өткенге салауат айтып, 2025 жылы марқұм болған ардақтыларды еске түсірейік.

Фото: e-history.kz

Жыл басында қазақ халқы Мұхтар Мағауиннен айырылып қалды. 84 жасына дейін қаламын тастамаған, қазақ әдебиетінің көкжиегін кеңейткен классик жазушы.

Іле-шала абайтану ғылымының көрнекті өкілі, хакімнің шығыстық дүниетанымын зерттеген Мекемтас Мырзахметұлы дүниеден озды. Ғасыр жүрек ғалымның 94 жасына қараған шағында тоқтады.

21 ақпанда Дулат Исабеков көз жұмды. Оның «Әпке», «Қарғын», «Гауһартас» сынды шығармалары қазақ прозасына жаңа леп әкелген еді.

Сәуір айында көрнекті ғалым, фольклортанушы, академик Сейіт Қасқабасов қайтыс болды. Ол ауыз әдебиет жанрға жіктеп, ғылыми жүйесін жасады.

Қазақ прозасы мен драматургиясына ересен еңбек сіңірген Әкім Таразидей алып бәйтерек те құлады.

Мамырда көк түріктер сарынын қайта жаңғыртқан ақын Темірхан Медетбек 79 жасында бақилық болды. Ол қазақ поэзиясына бағзы рух пен ілкі форманы әкелді.

68 жасында Қазақстанның еңбек сіңірген қайраткері актер Қайрат Кемалов ұлы сапарға аттанды. Көпшілік оны «Қазақ хандығы» телесериалындағы Керей хан образымен жақсы таныды.

4 тамызда ғарышкер Талғат Мұсабаев 74 жасында өмірден өтті. Ол ғарышқа үш мәрте ұшқан қазақ болатын.

Поэзия, драматургия, музыка саласына орасан еңбек еткен Исраил Сапарбай да бұ дүниемен қош айтысты. Халық оны «Мен қазақ қыздарына қайран қалам» өлеңімен бірден танитын.

Сонымен қатар қазақ халқы ақын Күләш Ахметовамен, актриса Дәриға Тілендиевамен, әдебиеттанушы Мақсат Тәж-Мұрат және әдебиет сыншысы, сценарист, режиссер Ғалым Доскенмен қош айтысты.

Ұлы тұлғалардың таудай аманаты енді келер ұрпаққа мирас болғай.

Соңғы жаңалықтар

Заречный кентінің тұрғындары жаңа қонысқа көшті

Аймақтар • Бүгін, 14:25

2025 жылы қандай тұлғалармен қош айтыстық?

Тұлға • Бүгін, 14:00

Қасым-Жомарт Тоқаев Besqaru зауытымен танысты

Президент • Бүгін, 13:30

Рустам Баялиев қызметінен босатылды

Президент • Бүгін, 13:16

Биыл қанша жас дәрігер ауылдан жұмыс тапты?

Медицина • Бүгін, 13:00

Тайынша ауданында сабаннан сапалы жиһаз жасайтын цех ашылды

Экономика • Бүгін, 12:50

«Тағамдарға арналған дәмдеуіш»: Астанада қалтасына есірткі салып жүрген аспаз ұсталды

Оқиға • Бүгін, 12:40

Президент елордадағы өңдеу өнеркәсібі кәсіпорындарының көрмесіне барды

Президент • Бүгін, 12:39

Степногорскідегі «сұрықсыз» Аяз ата: тұрғындарды шошытқан мүсіндер алаңнан алынып тасталды

Аймақтар • Бүгін, 12:30

Депутат: Шағын және шалғай аудандар қолдаусыз қалып отыр

Қоғам • Бүгін, 12:25

Түркияда Ливия ұшағы апатқа ұшырады

Әлем • Бүгін, 12:20

Риддер тұрғыны баланы көлікпен қағып, өзі жалтарып кеткен

Қоғам • Бүгін, 12:05

Мемлекет басшысы Tausogar зауытын аралап көрді

Президент • Бүгін, 11:53

Алматыда әскери қызметшілер ардагер майдангерді құттықтады

Қоғам • Бүгін, 11:52

«Kundelik» жүйесіне тіркелген оқушылардың деректері расымен тарап кетті ме?

Білім • Бүгін, 11:40

Барлық жаңалықтар