2025 жылы Қазақстандағы ресми дилллерлері 3 245 дана BYD сатты

BYD  2025 жылы Қазақстанда электрокөліктер сатылымы жағынан көш бастады. Қазақстанның Автокөлік Одағы (ҚАО) деректері бойынша, өткен жылдың 12 айы ішінде BYD компаниясының ресми дилерлері 3 245 дана электрлі көліктер мен гибрид сатты.

Яғни, өткен жылы елімізде ең көп сатылған он NEV моделінің бесеуі BYD-ке тиесілі. Оның қатарында BYD Song Plus DM-i гибридті кроссовері— 1 534 бірлік, BYD Yuan Up электрлі кроссовері — 872 бірлік, BYD Song Plus EV — 609 бірлік, BYD Sealion 7 — 123 бірлік, BYD Han премиум-класты электрлі седанының 79 данасы сатылған. Брендтің NEV сегментіндегі үлесі 76%-ды құрады.

2026 жылы BYD Қазақстандағы жаңа автокөліктер сатылымы бойынша ТОП-10 қатарына кіруді жоспарлап отыр. Осы мақсатқа жету үшін компания жылдық сату көлемін 10 мыңнан астам көлікке дейін ұлғайтуды көздейді. Бұл көрсеткіш 2025 жылғы нәтижеден шамамен үш есе жоғары болмақ. Бұл туралы BYD Kazakhstan-ның өткен аптадағы баспасөз шарасында айтылған.

Сонымен қатар BYD Қазақстандағы модельдік қатарын кеңейтуді жоспарлап отыр. 2026 жылдың көктемі мен жазында BYD Seal 6 седаны мен BYD Atto 8 кроссовері сатыла басталады. Сондай-ақ қазір тек электрокөлік нұсқасында сатылатын Yuan Up гибрид түрі де сатылымға шығады.

Бұдан бөлек BYD суббренді Denza да сатыла бастайды. Үлгілер туралы толық ақпарат жоқ, тек Leopard 5 (индексі B5) және Leopard 8 (индексі B8) сатылатыны туралы ғана белгілі. Қазіргі таңда екеуі сертификаттаудан өтуде. Қазақстан әдетте еуропалық стандарттарға сәйкестікті сұрайтындықтан, бұл көліктердің сатылымы жылдың ортасына қарай басталуы мүмкін.

BYD-дің қазіргі таңда Қазақстанда 20 автоорталығы бар, 2026 жылы компания олардың санын 30-ға, ал қоймадағы бөлшектер санын - 2 150-ден 6 000 атауға дейін ұлғайтпақ.