Қазақстандағы алғашқы АЭС құрылысы 2027 жылы басталады

АСТАНА, 27 мамыр – Sputnik. Қазақстандағы алғашқы атом электр станциясының құрылысы 2027 жылы басталады. Бұл туралы "Росатом" басшысы Алексей Лихачев Астанада журналистермен кездесуінде айтты.

Оның сөзінше, АЭС 2030 жылдардың ортасында іске қосылады деп жоспарланып отыр.

"Жоба кезең-кезеңімен жүзеге асады: бірінші және екінші энергоблок 8-10 ай аралықпен іске қосылады деп жоспарланып отыр. Негізгі мақсат — 2030 жылдардың ортасына қарай жобаны аяқтау", - дейді Лихачев.

Сонымен қатар, оның айтуынша, Ресей президентінің мемлекеттік сапары барысында Қазақстан мен Ресей АЭС құрылысына қатысты екі үкіметаралық келісімге қол қоюы мүмкін. Бұл құжаттар құрылыс жұмыстары мен жобаның қаржыландыру шарттарын қамтиды.

Қазіргі уақытта станция салынатын нақты орын әлі анықталған жоқ. Ол жыл соңына дейін белгіленеді. Бұл үшін сейсмикалық жағдай, геология, су ресурстары және температуралық режимдер зерттеліп жатыр. Қазіргі таңда дайындық жұмыстарының 95%-ы аяқталған.