Қазақстандағы депозиттерге 5% салық енгізілмейді: министрлік ресми мәлімдеме жасады

Әлеуметтік желілер мен мессенджерлерде банктік салымдардан түсетін сыйақыға 5% салық салынады деген жалған ақпарат тарады. Қазақстанның Ұлттық экономика министрлігі бұл хабарламаны ресми түрде жоққа шығарды.

Министрліктің түсіндіруінше, қазіргі заңнамаға сәйкес жеке тұлғалардың банктегі депозиттері бойынша төленетін сыйақыларға жеке табыс салығы салынбайды. Бұл норма өзгертілмейді және жаңа салық енгізу жоспары қарастырылып жатқан жоқ.

Заңға сәйкес, Салық кодексінің 430-бабында азаматтардың депозиттері бойынша төленетін сыйақылар жеке табыс салығынан босатылған.

Ведомство азаматтарды дүрбелеңге берілмеуге, тек ресми дереккөздерге сенуге және әлеуметтік желілердегі тексерілмеген хабарламаларды қайта тексеруге шақырды.

Бүгін, 13:38