Абайдағы ауқымды іс

Өңірлік коммуникациялар қызметінің ақпарат алаңында өткен брифингте Абай ауданының әкімі Шәкір Сұлтанхан ау­данның даму көрсеткіштері мен атқарылған жұ­мыстарды таныстырды. Аудан басшысы айтқан мә­ліметке қарағанда, негізгі басымдық халыққа қо­лайлы орта қалыптастыруға, инженерлік инф­­­ра­құрылымды жетілдіруге, көшелерді абат­тан­дыруға және қоғамдық кеңістіктерді көбей­туге берілген.

Абай ауданы – Шымкент­тегі халық саны ең көп ау­мақ­тың бірі. Бүгінде мұнда 27 ел­ді мекен­де 269,2 мың тұр­ғын тұрады. Аудан аумағында 55 мыңнан астам жеке тұрғын үй мен 350 көпқабатты үй бар. Тұрғын­дардың негізгі инже­нер­лік қа­жет­тіліктерін қам­та­ма­сыз ету бағытында да оң көр­сеткіштер қалыптасқан. Атап айтқанда, аудан ауыз­су­мен, электр энер­гиясымен жә­не табиғи газбен 100 пайыз қам­тылған.

Ауданда инженерлік инф­ра­­құрылымды дамыту жұ­мыс­тары тоқтаған жоқ. Қазір Жи­делі, Ақжайық және Нұр­шуақ шағынаудандарындағы жаңа құрылыс аумақтарын та­биғи газ жүйесіне қосуға қа­тысты жобалау жұмыс­тары жүр­гізілуде. Бұл – қала аума­ғы­ның кеңеюіне байла­нысты ерек­ше маңызға ие бағыт. Жаңа тұрғын алаптарының ин­­же­нерлік желілермен қам­та­ма­сыз етілуі халықтың тұр­мыс­тық жағдайын жақсартып қа­на қой­май, елді мекендер­дің жоспар­лы әрі жүйелі да­муы­на мүмкіндік береді.

Газдандырудың 100 пайыз­дық көрсеткішке жетуі ау-дан­ның әлеуметтік инфрақұры­лы­­мын­дағы маңызды нә­­ти­желердің бірі болса, жаңа құрылыс аумақта­рына газ желісін жеткізу осы жұ­­мыс­­тың сабақтастығын көр­се­­теді. Алдағы кезеңде жо­ба­лау жұмыстарының сапалы жүр­гі­зіліп, қажетті инф­ра­құрылымның кезең-кезеңі­мен іске қосылуы  тұрғындар үшін маңызды.

Тұрғындарға қолайлы орта қа­лыптастыруда жол инфра­құры­лымының орны ерекше. Аудан бойынша жалпы 1 274 кө­ше болса, оның 1 207-сі  ас­­­­фальт­талған. Бұл көше­лер­дің 95,4 пайызы асфальт­пен қам­тыл­ғанын көрсетеді. Биыл қалған көшелерді ас­-фа­льт­тау бағытын­дағы жұ­мыс­­тар да қолға алынған. Қа­зір 19 көшеде тиісті жұ­мыс­тар бас­тал­ды. Бұл – жол са­пасын жақ­­сарту арқылы тұр­ғын­дар­дың күн­делікті жү­ріп-тұ­руы­на қолай­лы жағдай жасауға бағыттал­ған нақты қа­дам.

Сонымен қатар аудан кө­ше­лерінің жарықтандырылуы 100 пайызға жеткізілді. Ендігі мін­дет – қолданыстағы жа­рық­­тан­дыру  инфрақұры­лы­мы­ның сапа­сын арттыру. Осы­ған байланысты жарық­тан­дыру бағаналарын жаңар­туды қажет ететін 13 көше­де жұмыстар жүргізіліп, оларды жыл соңына дейін аяқтау жос­­­­парланып отыр. Абай ау­да­нын­дағы биылғы жұмыс­тар­дың тағы бір маңызды ба­­­­ғыты – қоғамдық кеңіс­тік­терді дамыту және аула­ларды абаттандыру.

Биыл аудан аума­ғын­да 15 әм­бебап алаңша, 2 ашық спорт алаңшасы және 5 гүлзар салын­ды. Сонымен бірге 35 көшеге жалпы ұзындығы 44,5 ша­қырым болатын аяқжол тө­се­ліп, бұл жұмыстар толық аяқтал­ды. Жаяу жүргін­ші­лер­ге арнал­ған инфрақұрылым­ның дамуы – тұрғын­дардың қауіп­сіздігі мен күн­делікті жай­лы­лығын қам­тамасыз ете­тін маң­ызды фактор. Әсі­ресе халық тығыз орналасқан ау­дан­дарда сапалы аяқ­жол­дар­­дың болуы қоғамдық ор­та­ның қолайлы­лығына ті­ке­лей әсер етеді.

Көпқабатты тұрғын үй­лер­­дің аулаларын абат­тан­дыру­ға да ер­ек­ше көңіл бө­лін­ген. Ақ­жайық ша­ғынау­данындағы 18 көпқабат­ты тұрғын үйдің ау­ласы жарық­тандырылса, Асар шағынау­да­нындағы 30 көп­қа­батты үйдің қасбетіне ар­хи­тек­туралық жа­рық­тандыру ор­натылды. Мұндай жұ­мыс­тар ауданның түнгі кел­бетін жақ­сартып қана қоймай, тұр­ғындардың қауіпсіздігіне де оң әсер етеді.

Ауданның әлеуметтік орта­сын жақсартуда тұрғын­дар­дың өз ұсыныстары негізінде жү­зеге асырылатын «Халық қа­тысатын бюджет» жоба­сы­ның да маңызы зор. Жоба ая­­сында бірінші жар­ты­жыл­дық­­тың қорытын­дысы бойын­ша 9 ойын алаңы мен 2 гүл­зардың құрылысы аяқталып, пайда­лануға берілді. Қалған ны­сан­дарды қазан айының соңына дейін аяқтау жоспар­ланған.

Абай ауданындағы жүйелі жұ­мыстардың ішінде «Таза Қа­зақстан» жалпыұлттық эко­ло­гиялық бастамасы да ай­рықша орын алады. Өйт­кені ауданның көркейіп, таза әрі жайлы болуы тек инф­ра­құрылымдық жоба­ларға емес, тұрғындардың қоғам­дық мәдениеті мен ортақ жауап­кер­шілігіне де байланысты. Жыл басынан бері аудан ау­ма­ғында 31 сенбілік ұйым­дас­тырылып, оған шамамен 50 мың адам қатысты. Сенбі­лік­терге тұрғындармен қатар кә­­­­сіпкерлер, мемлекеттік қыз­­метшілер, еріктілер мен бұ­­қаралық ақпарат құрал­дарының өкілдері атсалысты.

«Таза Қазақстан» идея­сы­ның түпкі мәні де осында. Та­за көше, жинақы аула, абат­тандырылған қоғамдық орын ең алдымен тұрғындар­дың өзіне қолайлы орта қа­лыптастырады. Сондық­тан тазалықты сақтау тек комму­налдық қызметтердің емес, қоғамның ортақ міндетіне ай­на­луы қажет. Ауданның әлеу­меттік-экономикалық да­муында тұрғын үйлерді ал­дағы жылу маусымына дайын­дау мәселесі де назар­дан тыс қалған жоқ. Орта­лық­тан­ды­рылған жылу жүйесіне қо­сыл­­ған 162 көпқабатты тұр­ғын үйдің 99-ында сығымдау жұ­мыстары жүргізілді. Бұл жұ­мыстардың уақытылы ат­қарылуы – қысқы кезеңге дайындық сапасын қамта­ма­сыз етудің маңызды бөлігі. 

Жалпы, Абай ауданындағы бі­рінші жартыжылдықтың қо­­ры­тындысы инфра­құры­лым­ды жаң­ғырту мен абат­тан­дыру жұ­мыс­тарының жүйе­лі жүргізіліп отыр­ғанын көр­сетеді. Алдағы ке­з­еңдегі не­гізгі міндеттер – жаңа құ­ры­­лыс аумақтарын инже­нер­лік желілермен қам­тамасыз ету, қалған көшелерді асфа­льт­­тау, жарықтандыру жүйе­ле­рін жаңарту, абат­тан­дыру жобаларын толық аяқ­тау жә­не «Таза Қазақстан» бас­та­ма­сы ая­сын­дағы жұмыс­тардың тұрақты­лығын сақтау.

Назгүл НАЗАРБЕК,

Шымкент қаласы