AFAD: Түркия атыс тоқтағаннан кейін Газаға алғашқылардың бірі болып гуманитарлық көмек жөнелтті

Карабулут AFAD қызметкерлері, Түрік Қызыл Жарты айы және Мысыр Қызыл Жарты айы ұйымының еріктілерімен бірге Египеттің Эль-Ариш портында Газаға бағытталған 17-ші «Жақсылық кемесін» қарсы алды. Бұл кемеде шамамен 900 тонна гуманитарлық жүк тиелген.

«Анадолы» агенттігіне берген сұхбатында Карабулут бұқаралық ақпарат құралдарына гуманитарлық миссияларды жариялап отырғандары үшін алғыс білдіріп, 2023 жылдың 7 қазанынан бері Газаға 102 мың тонна гуманитарлық жүк жіберілгенін еске салды.

AFAD өкілінің айтуынша, бұл көмектер 14 әскери көлік ұшағы мен 17 кеме арқылы жеткізілген. Ал соңғы, 17-ші «Жақсылық кемесінде» азық-түлік пен балаларға арналған тағам бар.

– Атыс тоқтағаннан кейін аймаққа жеткен алғашқы гуманитарлық кеме – біздің еліміздікі. Біз Газа халқының шұғыл қажеттіліктерін өтеу үшін жергілікті жерде барлық дайындық жұмыстарын аяқтадық, – деді Карабулут.

Ол Палестина, Мысыр және Түркия Қызыл Жарты ай ұйымдары арасында тығыз үйлестіру арқылы гуманитарлық көмекті анықтау және жеткізу жұмыстары жалғасып жатқанын атап өтті.

– Алдағы қыс мезгіліне дейін уақытша баспана орнатуға бағытталған белсенді жұмыстар атқарылады, – деді AFAD өкілі.

Карабулут Түркияның бұдан әрі де мұқтаж жандарға гуманитарлық көмек көрсетуді жалғастыратынын айтты.