​АИ‑95 қымбаттады: енді қандай көлік тиімді

Қазақстанда бензин әлі де автокөлік иелерінің басты таңдауы болып отыр. 2026 жылғы маусымдағы дерекке сәйкес, тіркелген 5,1 млн жеңіл көліктің 88%-ы (4,4 млн) бензинмен жүреді. Соңғы төрт жылда мұндай үлес азаймай, керісінше сәл артқан, деп жазады energyprom.kz.

Автопарктің құрылымы:

Электромобильдер: 25,3 мың (0,5%). Олардың 63%-ы Алматыда. Елдегі 642 электрозаправканың 400-і де осы қалада.

Газ және аралас отын: 368 мың көлік (7,3%). Маңғыстау облысында үлесі 47,6% болып, бензинмен теңескен.

Дизель: 86,2 мың көлік (1,7%). Көбі Алматы мен Атырау облысында.

Бензинге тәуелді аймақтар: ШҚО (94,1%), Абай облысы (93,9%), Астана (92,8%).

Баға динамикасы:

АИ‑92: жылына +15%

АИ‑95/96: жылына +17%

Дизель: жылына +10,5%

Автогаз: +1%

Электр қуаты: +2,3%

Шілде айында электромобильдерге арналған электр қуатының бағасы өзгермеген, ал АИ‑92 тағы +1,7% қымбаттаған. Сарапшылар бензин мен электр қуаты бағасының айырмашылығы алдағы уақытта қазақстандықтар үшін жаңа көлік таңдауда шешуші факторға айналуы мүмкін екенін айтады.

Кеше, 14:12