Аи 92 мен дизель отыны қымбаттады: айына 1 теңге өсім күтіледі

Қазақстанда ең көп қолданылатын жанармай түрлеріне қатысты алты айлық баға мораторийі аяқталды. 

Энергетика министрлігі Аи-92 және дизель отынына белгіленген шекті бағалар 2025 жылдың қазанынан 2026 жылдың 31 наурызына дейін сақталғанын, енді нарық еркін баға белгілеуге көшкенін хабарлады.

Министрліктің баспасөз қызметі: «Жанармай бағасы нарықтық жолмен қалыптасады. Үкімет бағаның күрт әрі негізсіз өсуіне жол бермейді», – деп мәлімдеді.

Алғашқы түзетулер ірі жанармай құю станцияларында байқалды:

Аи-92 орта есеппен 1 теңгеге қымбаттап, литрі 222–240 теңге болды (бұрын 221–239 теңге). Дизель отыны литріне 325–336 теңгеге жетті (бұрын 324–335 теңге).

Бейресми деректерге сәйкес, билік пен ресурстық компаниялар «біртіндеп өсім» стратегиясын ұстанып, айына шамамен 1 теңгеге көтеруді жоспарлап отыр.

Дефицит күтілмейді, алайда отандық мұнай өңдеу зауыттарындағы жөндеу жұмыстары нарыққа қысым түсіруде:

Шымкент МӨЗ 20 сәуірге дейін жоспарлы жөндеуде. Атырау МӨЗ каткрекинг қондырғысын 2 сәуірдегі апаттан кейін қалпына келтіруде. «Конденсат» зауыты да уақытша тоқтаған.

Үкімет жағдайды бақылауда ұстайтынын және алыпсатарлық жолмен бағаны негізсіз көтеруге жол бермейтінін мәлімдеді.

Бүгін, 20:08