Аида Балаева елорда мектебіндегі TopIQ Smart Class мүмкіндіктерімен танысты

Астана қаласындағы №99 орта мектепте заманауи технологиялармен жабдықталған, оқу процесін жаңа деңгейге көтеруге бағытталған инновациялық білім беру кеңістігі ашылды. TopIQ Smart Class пилоттық жобасы қала әкімдігінің бастамасымен енгізіліп отыр. Бұл туралы Премьер-министрдің ресми ақпараттық ресурсынан мәлім болды, деп хабарлайды Egemen.kz.

Фото: Премьер-министрдің ресми ақпараттық ресурсы

Премьер-министрдің орынбасары – мәдениет және ақпарат министрі Аида Балаева ашық сабақ барысында жаңа жүйенің мүмкіндіктерімен танысты. Сабақта инновациялық сыныптың негізгі функциялары мен білім беру процесіндегі практикалық әлеуеті көрсетілді.

TopIQ Smart Class – өзара байланыста жұмыс істейтін смарт үстел, смарт парталар мен смарт тақтадан тұратын біртұтас цифрлық экожүйе. Жүйеде оқу процесін автоматтандыруға және оны әр оқушының білім деңгейі мен жеке ерекшелігіне қарай бейімдеуге мүмкіндік беретін жасанды интеллект технологиялары да қолданылады. Мұның бәрі тиімді, интерактивті әрі дербес білім беру ортасын қалыптастыруға бағытталған.

Аида Балаева Нұржас Садырбаевты халықаралық жобадағы жеңісімен құттықтады

Аида Балаева білім беру процесіне инновациялық технологиялар мен жасанды интеллект құралдарын енгізу мәселесіне жан-жақты әрі байыппен қарау қажет екенін атап өтті. Оның айтуынша, ең алдымен мұндай шешімдердің балалардың білім сапасына әсері ескерілуі тиіс.

«Мұндай ойын және цифрлық форматтардың оқу процесіне қалай ықпал ететінін нақты түсіну маңызды. Дәстүрлі оқыту жүйесі де өз мәнін сақтауы керек. Пәндерді оқытуда сараланған тәсіл қолданылып, әр баланың жеке ерекшелігі ескерілуі қажет. Ұстаздың басты міндеті – тек білім беру ғана емес, сонымен қатар тұлға қалыптастыру, жауапты әрі лайықты азамат тәрбиелеу. Осыған байланысты мұндай технологиялардың артықшылықтары мен ықтимал тәуекелдеріне кешенді талдау жүргізу маңызды», деді Үкімет басшысының орынбасары.

Инновациялық сынып 25 смарт партамен жабдықталған. Әр парта оқушыға жеке цифрлық жұмыс кеңістігін ұсынады. Оқушылар осы құрылғылар арқылы электронды оқулықтармен жұмыс істеп, тапсырмалар орындайды, музыкалық аспаптарды меңгереді, сондай-ақ 3D сурет салу және модельдеу дағдыларын дамытады.

Жасанды интеллект жүйесі оқушылардың үлгерімін талдап, олардың дайындық деңгейіне қарай тапсырмаларды автоматты түрде бейімдейді. Ал, педагог смарт үстел арқылы әр оқушының жұмысын нақты уақыт режимінде бақылап, оқу қарқынын реттей алады және қажет кезде қолдау көрсетеді. Сонымен қатар AI негізіндегі аналитикалық деректер әр баланың оқу динамикасын объективті бағалауға мүмкіндік береді.

Аида Балаева: Креативті экономика тек шабыт пен идеяға ғана сүйеніп дами алмайды

Смарт тақта сабақтарды толық интерактивті форматта өткізуге жол ашады. Оның көмегімен оқу материалдарын цифрлық форматта сақтап, қайта пайдалануға, сондай-ақ ойын және жарыс элементтері бар сабақтар ұйымдастыруға болады.

Жоба заманауи интерактивті білім беру ортасын қалыптастыруға, білім сапасын арттыруға және жаңа буынның цифрлық құзыреттерін дамытуға бағытталған.

Аида Балаева: Балалардың жазғы демалысы қауіпсіз әрі сапалы өтуі тиіс

Соңғы жаңалықтар

Аида Балаева елорда мектебіндегі TopIQ Smart Class мүмкіндіктерімен танысты

Технология • Бүгін, 21:59

Президент бірқатар заңға қол қойды

Президент • Бүгін, 21:19

Қасым-Жомарт Тоқаев пен Ицхак Герцогтың келіссөзі кеңейтілген құрамда жалғасты

Президент • Бүгін, 20:48

Алматыда қауіпті жарыс өткізген көлік жүргізушілері жауапқа тартылды

Оқиға • Бүгін, 20:29

Алимент өндіру ісі: Алматыда сот орындаушысы 4,2 млн теңгені заңсыз иемденген

Оқиға • Бүгін, 19:56

Туған жер құрметінен қанаттанып…

Әдебиет • Бүгін, 19:26

Робототехника додасы: Қазақстан оқушылары екі бірдей басты марапатқа ие болды

Технология • Бүгін, 18:53

Мемлекет басшысы мен Израиль Президенті шағын құрамда келіссөз жүргізді

Президент • Бүгін, 18:23

1 шілдеден бастап ипотека кімдерге берілмейді?

Ипотека • Бүгін, 18:05

Әйелдер арасындағы Қазақстан чемпионаты: 19 команда басты жүлдеге таласады

Футбол • Бүгін, 17:48

Алматыда «Бір аспан астында» халықаралық заманауи өнер көрмесі ашылды

Көрме • Бүгін, 17:27

Ақордада Израиль Президентін салтанатты қарсы алу рәсімі өтті

Оқиға • Бүгін, 17:25

«Тоттенхэмнің» бұрынғы директоры Қазақстан футбол федерациясының бас хатшысы болып тағайындалды

Футбол • Бүгін, 17:20

Қазақстан жұмыртқа импортына шектеу қойды: Нарықта отандық өнім үлесі артты

Экспорт • Бүгін, 17:11

Блогер Ерболат Жанабылов пен жұбайына қатысты сот үкімі шықты

Оқиға • Бүгін, 16:58

Барлық жаңалықтар