​​Air Astana да қаржы жөніндегі атқарушы директор тағайындалды​

Air Astana Гонсалу Пирештің (Gonçalo Pires) 2026 жылғы 1 наурыздан бастап қаржы жөніндегі атқарушы директор лауазымына тағайындалғаны туралы хабарлады. 

2025 жылғы 8 қазанда жарияланғандай, 2026 жылғы 1 сәуірден бастап қазiргi қаржы жөніндегі атқарушы директор Ибрахим Жанлыелді бас атқарушы директор лауазымына тағайындалғанға дейін тиісті өтпелі кезең көзделеді.

Гонсалу Пиреш 2021 жылдан бастап TAP Air Portugal әуе компаниясында қаржы жөніндегі атқарушы директор қызметін атқарып, онда қайта құрылымдау бағдарламасын әзірлеп, іске асырды, сондай-ақ цифрландыру бойынша бірқатар бастамаларды іске қосты. Бұған дейін оның шамамен жиырма жылға жуық кәсіби қызметі қаржы секторын қамтып, оның ішінде инвестициялық банкинг саласындағы түрлі басшылық лауазымдарды атқарды.

Пиреш мырза Лиссабон қаласындағы NOVA университетінің экономика мамандығы бойынша ғылыми дәрежеге ие және ол Air Astana-ның бас кеңсесі орналасқан Алматы қаласында қызмет ететін болады.

«Португалияның флагмандық әуе тасымалдаушысында бірнеше жыл бойы қаржы жөніндегі атқарушы директор қызметін атқарған Гонсалу Air Astana-ның одан әрі дамуын қолдауға және біздің нарықтарымыздағы өсу мүмкіндіктерін іске асыруға қажетті тәжірибеге ие. Ол Air Astana өзінің ұзақ мерзімді өсу стратегиясын табысты іске асыруды жалғастыратынына сенім білдіремін» - деді компанияның қазіргі бас атқарушы директоры Питер Фостер.

Бүгін, 14:31