Айданадан айырылып қала жаздадық: танымал әншінің күйеуі басынан өткен жағдайды айтты (видео)

Әнші Айдана Меденованың күйеуі әлеуметтік желідегі парақшасында басынан өткен жағдайды баяндап берді, – деп жазды Aikyn.kz.  

Кенже қызын туған күнімен құттықтаған ол оның дүниеге келген сәтін еске алды. Айтуынша, Айдана Меденова босану барысында біраз уақыт ес-түссіз жатып, шұғыл түрде ота жасалған.  аман алып қалған. 

"Менің кенже қызым. Менің бесінші балам. Өмірінің алғашқы минуттарын менің кеудемде өткізген жалғыз бөпем…Бұл мүлде біз жоспарланғандай болмады, Айданадан айырылып қала жаздадық… Қазір сол түнді күліп еске ала аламын. Бірақ ол кезде, 2024 жылдың 17-нен 18-не қараған түні үлкен күйзелісті басымнан өткіздім. Жұбайымды перзентханаға алып келдім, бәрі тыныш, қалыпты жүріп жатты. Мен Ханимен кездесуге моральдық тұрғыда дайындалып отырғанмын, ал Айдана дайындық процедураларынан өтіп жатты. Кейін оны дәрігерлермен бірге есіктің арғы жағына алып кетті… Мен күтіп отырдым. Бір кезде тыныштық орнады. Ештеңе естілмейді. Бірнеше минуттан кейін медбике жүгіріп шықты, ал бас дәрігер оған айғайлап жатыр: «Операциялық бөлмені дайындаңдар!» деп. Анестезиолог кіріп келді, бәрі көз ілеспес жылдамдықпен болып жатты. Кезекші қызметкер мені сыртқа шығарып: «Барлығы жақсы болады. Күтіңіз» деді. 15 минуттан соң маған Ханифаны алып келіп, кеудеме жатқызды. Ал Айдана сол сәтте ес-түссіз жатқан еді… Алланың қалауымен бәрі жақсы аяқталды. Дәрігерлер дер кезінде әрі кәсіби түрде жұмыс істеді. Олардың жылдам шешімі мен уақытылы жасаған ісі Айдананың өмірін сақтап қалды. Олай болмағанда бәрі басқаша аяқталуы да мүмкін еді…", - деді ол. 

Посмотреть эту публикацию в Instagram

Публикация от Alisher Nurzhanov (@nurzhanovalisher)

Сараптама, зерттеу мақала, күнделікті өзекті ақпаратты «Айқынның»  TELEGRAM  арнасынан табасыз.