Александр Бублик US Open 2026 додасын жеңіспен бастады

Қазақстанның ең үздік теннисшісі Александр Бублик америкалық турнирдегі алғашқы кездесуін жарыс қожайыны, әлемнің 253-ракеткасы Джей Джей Вульфке қарсы өткізді. Алғашқыда матч Бублик үшін сәтті өрбіді. Ол алғашқы екі сетте айтарлықтай қиындықсыз жеңіске жетті – 6:4, 6:2.

Алайда кейін Джей Джей Вульф күш жинап, үшінші сетте 6:3 есебімен басым түсті. Дегенмен Александр тез есін жиып, төртінші сетте қатарынан үш гейм ұтып алды. Кейін кездесуді соңына дейін жеткізіп, 6:1 есебімен жеңіске жетті.

Екінші айналымда Бублик аргентиналық Тьяго Агустин Тиранте мен франциялық Адриан Маннарино арасындағы матчтың жеңімпазымен кездеседі.

Өкінішке қарай, АҚШ ашық чемпионатының негізгі кезеңі Қазақстанның тағы бір өкілі Александр Шевченко үшін сәтсіз басталды. Ол хорватиялық Дино Прижмичке бес сетке созылған тартысты матчта 6:2, 3:6, 3:6, 7:5, 5:7 есебімен жол берді.

Бұған дейін қазақстандық Тимофей Скатов іріктеу кезеңінен өте алмады. Ол алғашқы кездесуінде жеңіске жеткенімен, кейін болгариялық Григор Димитровтан жеңіліп қалды.