Алматыда нәресте сатылатыны туралы күдік тудырған хабарландыру тексерілді

Алматыда әлеуметтік желі қолданушыларының алаңдаушылығын тудырған хабарландыруға қатысты полиция тексеру жүргізді, – деп хабарлайды Aikyn.kz сайты.

Жарияланымдағы баға мен мәтінге байланысты азаматтар оның астарында жаңа туған нәрестені сату туралы ұсыныс болуы мүмкін деп күмәнданған.

Полиция хабарландыру авторын анықтады. Ведомствоның мәліметінше, жазбаны психоневрологиялық есепте тұрған ер адам жариялаған.

Тексеру барысында оның адам саудасына, соның ішінде жаңа туған нәрестелерді сатуға қатысы барын растайтын дерек анықталмаған.

Полиция «нәресте сатылады» деген ақпараттың шындыққа сәйкес келмейтінін және хабарландыруда кәдімгі қуыршақ сату туралы айтылғанын мәлімдеді.