Алматыда пышақ ұстаған жалаңаш шетелдік тұрғындарды қорқытты

27 сәуірде Алматы тұрғындары тосын оқиғаға куә болды: Бұқар жырау көшесі бойында қолына пышақ ұстаған жартылай жалаңаш ер адам жүрген. Оқиға орнына жеткен полицейлер мән-жайды анықтады, - деп хабарлайды Tengrinews.kz.

27 сәуірде Алматы тұрғындары тосын оқиғаға куә болды: Бұқар жырау көшесі бойында қолына пышақ ұстаған жартылай жалаңаш ер адам жүрген. Оқиға орнына жеткен полицейлер мән-жайды анықтады, - деп хабарлайды Tengrinews.kz.

Әлеуметтік желілерде кіреберістегі бейнебақылау камераларына түсіп қалған видео жарияланды. Бейнежазбада іш киіммен көшеде жүрген ер адам көрінеді. Оның қолында пышаққа ұқсас зат болған. Маңайдағы үйлердің тұрғындары полиция жасағын шақыртқан.

Алматы Полиция департаменті тәртіп бұзушының анықталып, ұсталғанын хабарлады.

"Бұл – 1990 жылы туған шетел азаматы. Ұстау кезінде өзін оғаш ұстап, іс-әрекетіне қатысты мардымды түсініктеме бере алмады. Сондай-ақ көші-қон заңнамасын бұзу деректері де анықталды", - деп хабарлады ведомство.

Қазіргі уақытта ер адам қабылдау-бөлу орнына қамалған.

Google News арқылы жаңалықтарымызды қадағалаңыз