Алматыда тұрғын үйге жапсарлас салынған заңсыз қосалқы нысан сүрілді

Бұл арада Ақан Сері көшесі, 18 мекенжайында орналасқан көппәтерлі тұрғын үйге жапсарлас заңсыз салынған қосалқы нысан туралы сөз болып отыр.

Жоспардан тыс тексеру барысында нысанның рұқсатсыз салынғаны анықталды.

Нысан иесіне қатысты әкімшілік шаралар қабылданып, заң бұзушылықтарды жою туралы нұсқама берілді.

"2025 жылы 9 қазанда Әкімшілік құқық бұзушылықтар жөніндегі мамандандырылған ауданаралық сот нысан иесін кінәлі деп танып, қосалқы нысанды мәжбүрлеп бұзу туралы шешім қабылдады", делінген ведомство хабарламасында.

Сот шешімін орындау аясында бірер күн бұрын қосалқы нысанды бұзу жұмыстары басталды.