Алматыда жол талғамайтын көлік жүргізушісі жол бермеген жүргізушіні өз бетінше жазалады

Алматыда төбелеспен аяқталған жол үстіндегі жанжал бейнетіркегіш камерасына түсіп қалды. Видео әлеуметтік желілерде тарап жатыр, деп хабарлайды Tengrinews.kz.

Оқиға Сейфуллин даңғылында, Forum сауда орталығының маңында болған. Бәрі қара түсті ROX жол талғамайтын көлігінің жүргізушісі кері бұрылып, негізгі жолға шықпақ болған сәттен басталған, алайда басты жолда келе жатқан жүргізуші оған жол бермеген.

Бұл жағдай жол талғамайтын көлік тізгініндегі ер адамның ашуын туғызып, ол қарсыласын қуып жетіп, тоқтауға мәжбүрлеген.

Екі көлік те тоқтаған кезде, жол талғамайтын көліктің жүргізушісі өзіне жақындап келген қарсыласының бетінен қатты соққы жасайды. Соққыдан ер адам асфальтқа шалқасынан құлап, есінен танып, құрыса бастаған. Өтіп бара жатқан адамдар көмекке ұмтылды, ал шабуыл жасаған адам дәрігерлер келгенше кетіп қалды. Зардап шегуші жедел жәрдем көлігінің ішінде есін жиған.

Instagram-дағы бұл жарияланымды көру

Krisp Almaty | Криспи Алматы (@krisp_almaty) жариялаған пост

Алматы Полиция департаменті екі жүргізуші арасындағы жанжал дерегі бойынша Бостандық аудандық полиция басқармасы дене жарақатын салу бабы бойынша қылмыстық іс қозғап, тергеу жүргізіп жатқанын хабарлады.

Бұл оқиға бірнеше апта бұрын болғаны айтылды. Жанжалға қатысушылар анықталды, қазіргі уақытта олармен қажетті процестік іс-шаралар жүргізіліп жатыр.

Қазіргі уақытта тергеу оқиғаның барлық мән-жайын жан-жақты, толық және объективті анықтауға бағытталған тергеу әрекеттерінің кешенін жүргізіп жатыр.

Google News арқылы жаңалықтарымызды қадағалаңыз