Алматылықтар парфюмерлік су тасқынына шағымданды

Алматы тұрғындары Шаймерденов көшесіндегі жолдың бойын жайлаған сасық суға шағымданды. Олардың айтуынша, кәріз иісі бірнеше кварталға жайылған, - деп хабарлайды Tengrinews.kz.

Алматы тұрғындары Шаймерденов көшесіндегі жолдың бойын жайлаған сасық суға шағымданды. Олардың айтуынша, кәріз иісі бірнеше кварталға жайылған, - деп хабарлайды Tengrinews.kz.

Не болды?

Оқиға 13 мамырда болған. Жергілікті тұрғынның айтуынша, кәріз люктерінен тұрмыстық қоқыс аралас әжетхана суы аққан. Жағымсыз иісі шыққан су Жандосов көшесіне дейін созылған.

Суретті жергілікті тұрғындар жолдады

Жергілікті тұрғындар далаға шығу мүмкін емес екенін, ал қолқаны атқан иістен пәтерлерді желдету де қиындағанын айтады.

"13 мамырда орталық кәріз жүйесі жарылды. Қалдықтар көше бойымен ақты. Жолда әжетхана қағаздары қалқып жүрді. Бұл жағдай бірінші рет емес, бірақ ешкім ерекше назар аудармайды. Кеше қызметтер келіп, аумақты тазалады, бірақ иіс әлі кеткен жоқ. Күн жылынды, жаз келді – бұл инфекция көзі ғой", – деді жергілікті тұрғын.

Суретті жергілікті тұрғындар жолдады Суретті жергілікті тұрғындар жолдады

Сондай-ақ қала тұрғындары салдарды жою әрекеті жағдайды ушықтырып жібергенін айтады. Олардың сөзінше, жолды сумен жуғаннан кейін лас судың булануы күшейе түскен.

Енді тұрғындар арнайы құралдармен толыққанды санитарлық өңдеу жүргізуді талап етіп отыр.

"Тұрғындардың көліктеріне кәріз иісі сіңіп қалған, терезені жауып қойсаң да ішінде отыру мүмкін емес. Иіс пәтерлерге де жетті, терезе ашудан қалдық. Мәселені шұғыл шешіп, көшені жай сумен емес, арнайы құралдармен толыққанды санитарлық өңдеуден өткізуді сұраймыз", – деді тұрғын.

Видеоны жергілікті тұрғындар жолдады Әкімдік не дейді?

"Алматы Су" МКК апат 13 мамырда болғанын хабарлады. Қаланың коммуналдық қызметтері желінің бұл учаскесі үшін тікелей жауапты емес екені белгілі болды.

ҚАЗІР ТАЛҚЫЛАНЫП ЖАТЫР

Қызылордада тұрғын үй-коммуналдық шаруашылық саласын дамыту тақырыбында форум өтті

12 мамыр 22:48 2

"13 мамырда Шаймерденов көшесінде тұрғын үй кешенінің кәріз жүйесінен аққан су анықталды. Аталған желілер кәсіпорын теңгерімінде емес және оларға ТҮК-нің басқару органы өз бетінше қызмет көрсетеді", – деп хабарлады ведомство.

Қалалық апаттық бригадалар аумақты тазалау үшін оқиға орнына барғанын хабарлады.

"Алматы Су" МКК апаттық қызметтері кептелісті жоюға және желінің жұмысын қалпына келтіруге көмектесті", – деп толықтырды компания өкілдері.

Алайда көшелерді санитарлық тазалау мәселесі әлі де ашық қалып отыр. Tengrinews.kz редакциясы дезинфекция жүргізу мерзімін нақтылау үшін әкімдікке жүгінді. Материал жарияланған сәтте жауап түскен жоқ.

Google News арқылы жаңалықтарымызды қадағалаңыз

Жазылу