Әнші Кети Топурия қазақ тілінде ән шырқап, жанкүйерлерін таңғалдырды

Грузияның танымал әншісі, "А’Студио" тобының солисі Кети Топурия қазақ тіліндегі әннің сниппетін жариялады. Видео миллионға жуық қаралым жинады, деп хабарлайды Tengri Life.

Кети жаңа Jañbyrdan soñ әнінің үзіндісін өзінің Instagram парақшасында бөлісті.

Instagram-дағы бұл жазбаны көру

A post shared by Keti Topuria (@keti_one_official)

Ролик 800 мыңға жуық қаралым жинады. Желі қолданушылары таңданыс білдірген пікірлермен қатар, әншінің өзіндік акцентімен орындалған әннің ерекше дыбысталуын атап өтіп, қазақша мәтіннің авторы кім екенін білуге тырысты.

"Қазақтар мен грузиндер - мәңгі бақи бауырлар", "Қазақша мәтіннің авторы Байғали болды ма екен?", "Уау, қандай тамаша ән және Кети қандай керемет!", "Түсініксіз болса да, өте әдемі", "О, мен татар қызы болсам да, барлық сөзін түсініп тұрмын! Керемет!", "Грузин акцентімен қазақша айту - күтпеген жағдай, өте ерекше әрі тым әдемі екен", - деп жазды қолданушылар.

39 жастағы әнші Тбилиси қаласында дүниеге келген. Ол 2005 жылдан бері "А’Студио" тобының вокалисі ретінде өнер көрсетіп келеді. Топтың ең танымал әндерінің қатарында "Улетаю", "Так же, как все", "Се ля ви" және "Тик-так" туындылары бар. Қазіргі уақытта музыкалық топтың Spotify платформасында айына 300 мыңға жуық тыңдарманы бар.

Google News арқылы жаңалықтарымызды қадағалаңыз