АҚШ конгресі Украинадағы қақтығыстың аяқталуына қатысты жаңа мәлімдеме жасады

АСТАНА, 8 ақпан – Sputnik. Украинадағы қақтығыс аяқталуға жақын, деп мәлімдеді конгрессмен Анна Паулина Луна Punchbowl News-ке берген сұхбатында. Бұл туралы РИА Новости жазады.

"Дәл қазір, менің ойымша, жағдай былай: Уиткофф пен Кушнер жақсы жұмыс істеп жатыр. Біз, меніңше, бейбіт келісімге өте жақын сияқтымыз", - деді ол.

Саясаткер сонымен қатар Трамп әкімшілігінің Украина дағдарысын шешуге бағытталған талпынысын қолдамайтын конгресс мүшелерін сынап, олардың "қырғи-қабақ соғыс санасында қалып қойғанын" атап өтті.

Сәрсенбі және бейсенбі Абу-Дабиде Ресей, АҚШ және Украина делегацияларының қатысуымен Украина бойынша келіссөздердің екінші раунды өтті. Бірінші раунд 23-24 қаңтарда өткен еді. Келіссөздер жабық есік жағдайында өтті.