АҚШ пен Израиль Иранның АЭС іне шабуыл жасады

АСТАНА, 4 сәуір – Sputnik. Ирандағы "Бушер" атом электр станциясының аумағына АҚШ пен Израиль тарапынан соққы жасалды, бір қызметкер қаза тапты, деп хабарлайды РИА Новости Иранның атом энергиясы жөніндегі ұйымына сілтеме жасап.

"Жарылыс толқыны мен сынықтар ғимараттардың біріне зақым келтірді. Өкінішке қарай, бір қызметкер қаза тапты", – делінген ұйымның ресми Telegram-арнасындағы хабарламасында.

Ұйым сондай-ақ бұл соққы станцияның негізгі бөлігіне зиян келтірмегенін және оның жұмыс істеу үдерісіне әсер етпегенін атап өтті.

28 ақпанда АҚШ пен Израиль Иран аумағындағы нысандарға, соның ішінде Тегеранға соққы жасай бастады. Иран өз кезегінде Израиль аумағына, сондай-ақ Таяу Шығыс өңіріндегі америкалық әскери нысандарға жауап соққыларын жасауда.